Áýe qorǵanysy kúshteriniń ofıserleri balalarǵa óz qyzmetiniń erekshelikteri men Otanymyzdyń áýe shekaralaryn qorǵaýdaǵy mańyzy jóninde qyzyqty áńgimelep berdi. О́z kezeginde balalardy áskerı qyzmetshilerdiń kúndelikti ómiri men áskerdegi basqa da kóptegen qyzyq erekshe sezimge bóledi. Ásirese búldirshinder áskerı tehnıka jaıyndaǵy áńgimelerdi keremet áserge berile otyryp tyńdady. Olardyń kózderinen áskerı salaǵa degen qushtarlyq pen qyzyǵýshylyqtyń ushqyny oıanǵanyn ańǵarý qıyn emes edi. Sonymen birge tárbıelenýshiler áskerı formany da asa bir zor sezimmen tamashalap, tipti qoldarymen ustap kórdi. Bul oraıda kelgen qonaqtar balalarǵa áskerı shevrondar men aıryqsha belgilerdi qalaı ajyratý men tanýdy úıretti.
Búldirshindermen tanysqannan keıin áskerı qyzmetshiler olardy kele jatqan Naýryz merekesimen de quttyqtady. Áskerıler ózderimen birge ala kelgen táttiler men damytýshy oıynshyqtardy syıǵa tartty.
10216 áskerı bólimi komandıriniń orynbasary maıor Dinmuhamed Nuraqaevtyń aıtýynsha, Naýryznama kúntizbesi boıynsha aldaǵy on kún túrli taqyryppen mereke retinde atap ótilmek. Naýryz meıramynyń basty ereksheligi – jyl basynyń sımvoly ári ulttyq dástúrler men ádet-ǵuryptardy jańǵyrtýǵa erekshe múmkindik beretin máni bar mereke.
«Búgingi kezdesýde biz balalarǵa keleshekte uqypty azamat bolyp ósýge talpyndyratyn áserli sózder aıttyq. Olardy elimizdiń naǵyz patrıoty bolyp qalyptasýǵa, halqymyzdyń ádet-ǵurpyn qurmetteıtin mádenıetti jan bolyp jetilýge úndedik. Osylaısha, balalar kishkentaıynan durys tárbıe alyp ósse, keleshekte ondaı urpaqtan janashyr azamat, qıyn sátte ózara kómek pen qoldaý bildiretin naǵyz eldiń ulandary jetilip shyǵady. Biz úshin eń bastysy balalardyń janaryndaǵy qýanyshyn kórý boldy. Odan artyq bizge alǵys ta, syı-sııapat ta joq», dedi maıor D.Nuraqaev.
Kezdesý sońynda tárbıeshiler búldirshindermen birge áskerılerge Otanymyzdyń shekarasyn qorǵaý jolyndaǵy eńbekteri úshin alǵystaryn jaýdyryp, balalardyń shyǵarmashylyq toby daıyndaǵan arnaıy merekelik konsertin qoıdy.
ShYMKENT
