Foto: Ashyq derekkózden
Mádı Tákıev mobıldi aýdarymdarǵa shekteý engizý, belgilengen sommadan asqan jaǵdaıda salyq salý máselesi talqyǵa túskennen bastap, kásipker retinde tirkelgender sany kóbeıgenin aıtty.
«Búginde úsh aıdyń ishinde bir nómirge ártúrli adamdardan túsetin aýdarymdardyń sany 100-den aspaýy tıis. Odan kóp bolyp ketse, baqylaý sharalary bastalady. Jyldyń basynda barlyǵy dúrligip ketti, qolma-qol aqsha izdeı bastady. Adamdar qaıtadan mobıldi aýdarymdarǵa kóship jatyr. Qańtar aıynda shamamen 75 myń jeke kásipker tirkeldi. Buryn bir aıda 2-3 myń adam tirkeletin. Al aqpan aıynda 70 myń jeke kásipker tirkeldi. Demek adamdar kásibin zańdastyryp jatyr», dedi Mádı Tákıev Úkimettiń búgingi otyrysynda.
Qarjy mınıstriniń aıtýynsha, mobıldi aýdarymdarǵa qatysty jańa ózgeris talqylanyp jatyr. О́zgeriske sáıkes úsh aıda bir adamǵa jiberilgen mobıldi aýdarymdardyń jalpy somasy 255 myń teńgeden aspaýy qajet.
«Zań boıynsha bir jyldyq tabysy 12 eń tómengi jalaqydan asatyn, ıaǵnı, shamamen 1 mıllıon teńgeni quraıtyn adamdar jeke kásipker retinde tirkelýge mindetti», dedi Qarjy mınıstri.
