foto: sud.kz
Birinshi satydaǵy sot talap qoıýshy usynǵan qujattarmen taýardyń jetkizilgendiginiń rastalǵanyn atap ótip, talap qoıýdy qanaǵattandyrǵan.
Apellıasııalyq sot alqasy sot sheshimin buzǵan jáne satýshynyń qujattardy satyp alýshyǵa qol qoıýǵa jiberý faktisin dáleldemegenin, taýardy qabyldaý-tapsyrý aktilerin usynbaǵanyn, sondaı-aq talap qoıýshy oryndalǵan jumystardyń aktilerin jaramdy dep taný týraly sotqa talap qoıýmen júginbegenin kórsete otyryp, talap qoıýdy qanaǵattandyrýsyz qaldyrdy.
Joǵarǵy sot isti qarap, satýshynyń shart boıynsha óz mindettemelerin oryndaǵanyn kórsetti. Bul qabyldaý-tapsyrý aktilerimen, taýardy jetkizý qujattarymen jáne elektrondy shot-faktýralarmen rastalady. Sondaı-aq qaryzdy rastaıtyn taraptardyń qol qoıǵan ózara esep-shottardy salystyrý aktisi bar ekeni atap ótildi.
Sonymen qatar satyp alýshy taýardy jetkizý jáne ornatý faktisin joqqa shyǵarmaıdy, bul satýshynyń shart boıynsha óz mindettemelerin oryndaǵanyn bildiredi.
Sot alqasy satyp alýshynyń shartty oryndamaýyna baılanysty buzý sharalaryn qoldanbaǵanyn eskerdi: satýshyǵa talaptary bildirilgen hattary joldanbaǵan, satýshy jalǵan qujattardy usynǵandyǵy faktisi boıynsha satyp alýshy polısııa organdaryna habarlaspaǵan.
Satyp alýshy 61 mıllıon teńgeni ustaǵan soń, onyń Shart boıynsha satýshy aldyndaǵy qaryzy 156 mıllıon teńgeni quraǵan.
Joǵarǵy sot apellıasııalyq sheshimniń kúshin joıdy. Birinshi satydaǵy sottyń sheshimi ózgerissiz qaldyryldy.
