Massaget.kz tilshisi jazǵandaı, Qaraýylkeldi aýylynyń turǵyndary úıden shyǵa almaı otyrǵandaryn aıtady. Sebebi aýyl ishinde erigen qar sýy úıdiń ishine deıin kirgen. Turǵyndar kóshede sý keship júr.
«Jylda osy jaǵdaı qaıtalanady. Byltyr da úıimizdi sý basqan. Bıyl da mine, ábigerge túsip otyrmyz. Men syrtqa shyǵa almaı otyrmyn. Sý etikten asyp ketip tur. Úıdiń ishine kirip jatyr. Qora, saraıdyń bárine sý kirdi. Saraıdyń bir sheti qulady. Kórshilerimizdiń de jaǵdaıy osyndaı», deıdi Baraq batyr kóshesiniń turǵyny Gúlmıra.
Turǵyndar byltyr da úıleriniń sýǵa ketkenin eske aldy.
Al Baıǵanın aýdandyq ákimdiginiń áleýmettik jelidegi resmı paraqshasynda aýdan ákimi Aıbek Kópenov jaǵdaı baqylaýda ekenin aıtty.
«Respýblıkalyq «Aqtóbe-Astrahan» tas jolynyń sý ótkizgish qubyrlary arqyly aýdan ortalyǵyna dala sýy kirip, birneshe kóshege jaıyldy. Shamamen tórt-bes kósheni sý basyp, úılerdiń aýlalaryna sý keldi. Aýdan ákimdigi janyndaǵy shtab shuǵyl áreket etip, qaýiptiń negizgi deni seıildi. Sýdyń deńgeıi qaıtty», dedi aýdan ákimi.
Sondaı-aq aýdan ákimi jumys toby qurylǵanyn, aýlalary sýǵa ketken úılerdiń jaǵdaıy zertteletinin aıtty.
