Budan buryn habarlaǵanymyzdaı, Batys Qazaqstan oblysynda tolassyz jaýǵan jańbyr jáne qardyń kúrt erýinen birneshe eldi mekenge sý basý qaýpi tóngen bolatyn. Qaýiptiń aldyn alý, tasqyn sýdyń betin qaıtarý isine Ulttyq ulannyń «Batys» óńirlik qolbasshylyǵyna qarasty 5517 áskerı bólimi erekshe kómektesip jatyr. Ulandyqtar qazir sý basý qaýpi joǵary jerlerde arnaıy bógetter quryp, kósheler men aýlalarda jınalyp qalǵan qardy shyǵaryp, sýdyń óz arnasymen júrýi úshin aryqtardy tazalap júr.
– Bul iske atsalysý bizdiń mindetimiz degim keledi. Ulttyq ulan jaýyngerleri árqashan halyqqa kómektesip, kez kelgen qıyndyqtyń aldyn alýǵa kúsh-jigerin salady, – deıdi áskerı bólimniń batalon komandıri maıor Jasulan Kórpeshov.
Aıta keteıik, qazir Oral qalasynda Ulttyq ulan sapynan 100-ge jýyq adam tilsiz jaýmen kúreste júr. Keshegideı emes, kóp aımaqta sý basý qaýpi tómendegen.
Oblystyq tótenshe jaǵdaılar departamentiniń habarlaýynsha, 26 naýryz kúni jaýyn-shashynnyń bir aılyq kólemi túsken. Jalpy sý tasqynynyń aldyn alý isine barlyǵy 990 adam jumylǵan, onyń ishinde № 5517 jáne № 99250 áskerı bólim jaýyngerleri bar.
27 naýryz kúngi 11:00 saǵat boıynsha zardap shekkender joq, eldi mekenderge de qaýip joq. Barlyq qaýipti aımaqta kezekshilik uıymdastyrylǵan.
Batys Qazaqstan oblysy
