Foto: Gov.kz
Oblys basshysy bul týraly áleýmettik jelidegi paraqshasynda jazdy.
Ol Facebook paraqshasynda beınejazba jarııalap, tabıǵattyń tilsiz apatyna eshkim tosqaýyl bola almaıtynyn jáne jaýyn-shashyn jaǵdaıdy qıyndatyp jibergenin aıtqan. Ashat Shaharov turǵyndarǵa alǵysyn bildirip, aımaqta materıaldyq shyǵyndy esepteıtin komıssııa qurylǵanyn, zardap shekken birde-bir aqtóbelik nazardan tys qalmaıtynyn aıtty.
«Qazirgi ýaqytta aımaqta sý shaıǵan joldar, kópirler men ótkelder, sý basqan úıler men aýlalar bar. Keshe aýdandarǵa baryp keldim, búgin qalany jaıaý aralap shyqtym. Materıaldyq shyǵyndy qurylǵan komıssııa anyqtaıdy. Turǵyndarymyzǵa sabyr saqtaǵany úshin alǵysymdy bildiremin. Eshbir adam nazardan tys qalmaıdy», dedi óńir basshysy.
Qazirgi ýaqytta Aqtóbe oblysynda 12 aýdannyń ákimderi men qala basshysy, Tótenshe jaǵdaılar departamentiniń qyzmetkerleri, áskerı qurylymdar, polıseıler kúndiz-túni kúsheıtilgen rejımde jumys istep jatyr.
Sý tasqynyna qarsy shtab, Ahýaldyq ortalyqtaǵy operatorlar táýlik boıy aqtóbelikterdiń qońyraýyna jaýap berip, tıisti kómek kórsetip jatyr.
