Foto: vlast.kz
Senat otyrysynda BAQ ókilderi vıse-mınıstrdiń orynbasarynan mopedter men elektrosamokattardyń máselesi aldaǵy ýaqytta qalaı retteletinin surady.
«Qazir túzetýlerdiń ekinshi paketi bar, olar qabyldanǵannan keıin túbegeıli ózgerister bolady. Birinshiden, qozǵaltqysh kólemine qaramastan barlyq mopedter kólik quralyna jatqyzylady jáne olardy júrgizý úshin A1 sanatyndaǵy júrgizýshi kýáligi qajet. Tıisinshe, biz bul mopedterdiń barlyǵyn tirkeıtin bolamyz», dedi Igor Lepeha.
Vıse-mınıstrdiń orynbasary elektrosamokat júrgizýshileri is júzinde eshqandaı jaýapkershilik arqalamaıtynyn tilge tıek etti.
«Bul pakette taǵy bir óte mańyzdy norma bar, endi ákimder samokattardyń qyzmetin retteı alady. Dálirek aıtqanda, olar ózderiniń qosymsha erejelerin belgileı alady: qaıda qozǵalýǵa bolady, qaıda qozǵalýǵa bolmaıdy, olardyń qozǵalysyna qaı ýaqytta tyıym salý kerek», dep túsindirdi spıker.
Esterińizge sala keteıik, 2023 jyldyń tamyz aıynda Qazaqstanda elektrosamokat týraly jańa zań kúshine endi.
Qyrmyzy JUMAǴALIQYZY,
EUÝ stýdenti
