«Qazgıdromettiń» málimetinshe, oblystyń ońtústik óńirinde mundaı alapat sý tasqyny buryn-sońdy bolmaǵan. Tabıǵı apattyń basty sebebi – óńirde qys boıy jyldaǵy mólsherden eki ese kóp qar jaýdy. Kúz jańbyrly bolyp, topyraq qabatyna bir jarym metr tereńdikte toń qatyp qaldy. Osylaısha, aýa raıy kúrt jylyndy da, erigen qar sýynyń bári jerge sińbeı, tońnyń ústimen júrip jatyr», dedi ákim.
Degenmen, qajetti sharalar qabyldandy. Qumar Irgebaıulynyń aıtýynsha, qutqarý jumystaryna bir myńnan asa adam, 500-diń ústinde túrli tehnıka jumyldyrylǵan.
«Onyń ishinde 4 tikushaq bar. Tek sońǵy eki kúnniń ishinde qaýipti jerlerden 443 adam qutqaryldy. Zardap shekkenderge kómek kórsetý úshin arnaıy komıssııa quryldy. Olardyń bárine memleket tarapynan kómek beriletin bolady. Birde bir adam memleket nazarynan tys qalmaıdy», dedi Qumar Aqsaqalov.
