Foto: Senattyń baspasóz qyzmeti
Komıtet tóraǵasy Nurtóre Júsip Memleket basshysynyń Joldaýynda otandyq ǵylymdy damytý jóninde birqatar tapsyrmalar berilgenin atap ótti. Jahandaný kezeńinde «ǵylym» qoǵamdyq progrestiń qýatty qozǵaltqyshy bolyp sanalady.
«Qazirgi ýaqytta ǵylym qoǵamnyń damýyn qamtamasyz etýde sheshýshi ról atqarady. Ǵylymı mekemeler, ýnıversıtetter men ınstıtýttar júrgizgen zertteýler jańa tehnologııalardyń, ınnovasııalardyń jáne uzaq merzimdi progresstiń negizin quraıdy. Ǵylymı-tehnıkalyq progress óz kezeginde ǵylym men tehnıkanyń ózara baılanysty údemeli damýyn bildiredi jáne ekonomıkanyń qarqyndy ósýiniń, kóptegen áleýmettik mindetterdi sheshýdiń qýatty quraly bolyp tabylady», dep atap ótti Nurtóre Júsip.
Ǵylym jáne joǵary bilim mınıstriniń orynbasary Darhan Ahmed-Zakı óz kezeginde ǵalymdardyń mártebesin kóterý jáne kadrlyq áleýetti nyǵaıtý boıynsha qabyldanyp jatqan sharalar týraly aıtyp berdi. Onyń aıtýynsha vedomstvo halyqaralyq tájirıbeni eskere otyryp, Ǵylym jáne tehnologııalar jónindegi ulttyq keńes qurdy, ǵalymdardyń ortasha jalaqysy 2 esege ulǵaıtyldy, sondaı-aq 850 zamanaýı ǵylymı jabdyqtar satyp alynǵan.
Atalǵan is-shara akademık Qanysh Sátbaevtyń 125 jyldyǵyna oraı ótkizilip otyr.
