Islamdyq qarjylandyrý: Qamtý aımaǵy keńeıip keledi

Esep Islam damý banki ınstı­týtynyń qoldaýymen AHQO lısen­zııalanǵan qatysýshysy bolyp sanalatyn «CSQLaw» atty konsaltıng kompanııasymen birlesip daıyndalǵan. Zertteý aıasynda jeke jáne korporatıvtik klıentter arasynda ıslamdyq qarjy ónimderine naryqtyq suranysty baǵalaý bo­ıynsha jumys júrgizilgen. Zert­­teý­ge 13 myńǵa jýyq respondent qatysty. Onyń 350-ge jýyǵy zańdy tulǵa bolsa, 12 myńnan astamy – jeke tulǵa.

Zertteý kezinde dinı senimderge baılanysty depozıttik júıeden tys respondentter ıslamdyq depozıtti ashýǵa daıyn ekenin jetkizdi. Munyń jalpy somasy 1,9 trln teńgege jetýi múmkin. Sonymen qatar zertteý barysynda alynǵan málimetter negizinde dástúrli depozıtterden ıslamdyq depozıtterge kóshý 924 mlrd teńgege baǵalanady.

Zertteý nátıjesi ártúrli ıs­lam­dyq qarjy quralyna sura­nys aıtarlyqtaı joǵary eke­nin kórsetken. Islamdyq qar­jy­landyrý naryǵyn damytý qajettiligi dinı senimderine qaraı klassıkalyq bank quraldaryn paıdalana almaıtyn dindi berik tutynýshy musylmandar sanynyń artýymen baılanysty ósedi dep boljanyp otyr. Alaıda bul tek din ustanýshylarǵa ǵana arnalmaǵanyn atap ótken jón. Balamaly qarjy­lan­dyrýdyń osy túrin dinı senim­de­rine qaramastan, kez kelgen adam paıdalana alady.

Naryqtyń ósip kele jatqan qajettilikterine qaramastan, saýalnamada eldiń barlyq óńirinde ıslamdyq qarjy ónimderi týra­ly aqparattyń az ekeni belgili bolǵan. Buǵan dálel – qatysý­shy­lar­dyń 85%-y (jeke tul­ǵalar) eshqashan ıslamdyq qar­jylandyrý ónimderin paıdalanbapty. Sondaı-aq saýalnamaǵa qatysýshylar ıs­lam­dyq qarjy ónimderin paı­dalanýǵa kedergi keltiretin sebep­terdiń ishin­de ónimderdiń qol­­jetimsizdigin, usy­nystar joq­tyǵyn, ıslamdyq qarjy týraly qate túsinikter jáne senim másele­lerin atap ótken.

«Islamdyq qarjylandyrý – AHQO damýynyń mańyzdy baǵytynyń biri. Qazaqstandaǵy jeke jáne korporatıvtik sektorlarda ıslamdyq qarjy ınstıtýt­ta­rynyń jumysyna barlyq qajetti jaǵdaı jasalǵan. Bizdiń ortalyq ıslamdyq qarjy ónimderiniń jumys isteýi úshin qajetti quqyq­tyq bazany qamtyp, sonymen birge Islam damý banki, Azııa damý banki jáne basqa da uıymdarmen tyǵyz yntymaqtastyq qurǵan. Ulttyq bank pen Qarjy naryǵyn retteý jáne damytý agenttigi de osy baǵytty damytýǵa atsalysyp jatyr. Osy zertteýdiń nátıjeleri eldegi ıslamdyq qarjylandyrý na­ryǵynyń tolyq jumysyn anyq­taýǵa múmkindik berip otyr», deıdi AHQO ákimshiligi О́nimderdi damytý jónindegi basqarýshy dırektory Danııar Kelbetov.