Aımaqtar • 02 Sáýir, 2024

Mańǵystaýlyq qutqarýshylar – Aqtóbede

100 ret

kórsetildi

1 mın

oqý úshin

Sý tasqynynan sergeldeńge túsken turǵyndarǵa kómek berý úshin Mańǵystaýdan qutqarýshylar kómekke attandy. Aqtóbe oblysy aýmaǵyna bara sala iske kiriskken mańǵystaýlyq qutqarýshy mamandar motopompa arqyly sýdy soryp, qum dorbalarynan bógetter salyp jatyr.

Gúlaıym DÁÝITBAI

Foto: baq.kz

Mańǵystaý oblysy Tótenshe jaǵdaılar departamentiniń jedel toby Temir aýdanynyń Shubarqudyq aýylynda sýdy sorý jumystaryn júrgizip, Qobda aýdanyndaǵy Qobda aýylynda qummen toltyrylǵan 250 qapshyqty sýǵa tosqaýyl retinde qoıǵan. Qutqarýshylardyń habarlaýynsha, sý aıdaý jáne zardap shekkenderdiń múlkin qutqarý jumystary jalǵasyp jatyr. Naýryz aıynyń sońǵy kúninde Mańǵystaýdan barǵan qutqarýshylardyń kúshimen 7 mekenjaı boıynsha 4 500 tekshe metr sý sorylyp, 17 sý basqan úıden múlik evakýasııalanǵany anyqtaldy.

О́ńirde sý tasqynynan zardap shekken kórshilerge kómek kórsetý maqsatynda Mańǵystaý oblysynyń qoǵamdyq keńesiniń qoldaýymen resmı rekvızıt ashylyp, halyq sý tasqynynan zardap shekkenderge óz kómekterin qosyp jatyr.

Mańǵystaý oblysy