Foto: assembly.kz
«Memleket jáne qoǵam qaıratkeri, televızııa salasynyń maıtalmany Ǵadilbek Shalahmetovtiń ómirden ótkeni týraly habardy zor kúızelispen qabyldadym. Marqumnyń otbasyna, jaqyndaryna jáne áriptesterine shyn júrekten kóńil aıtamyn. Ǵadilbek Minájulynyń jarqyn beınesi, kásibı sheberligi men BAQ salasyndaǵy jarqyn jetistikteri otandyq jýrnalıstıka tarıhynda óshpes iz qaldyrary sózsiz. Marqumnyń jatqan jeri jaryq, topyraǵy torqa bolsyn!», delingen jazbada.
Ǵadilbek Minájuly BAQ salasyndaǵy eńbek jolyn Almaty telestýdııasynda bastap, Qazaq teledıdary baǵdarlamalarynyń redaktory, bas redaktory, Qazaq SSR Televızııa men radıo habarlary jónindegi Memkomıtetiniń tóraǵasy qyzmetterin atqardy.
1991 jyly Prezıdenttiń baspasóz hatshysy bolyp taǵaıyndalyp, Baspasóz jáne buqaralyq aqparat mınıstriniń birinshi orynbasary – Qazaq SSR Televızııa men radıohabarlary jónindegi Memkomıtetiniń tóraǵasy bolyp jemisti eńbek etti. Maıtalman maman memleketaralyq «Mır» teleradıokompanııasynyń negizin qalap, BAQ salasynyń órkendeýine ólsheýsiz úles qosty. Kompanııanyń qurylýy otandyq televıdenıeniń damýyna jasalǵan strategııalyq mańyzdy qadam boldy.
