«О́ıtkeni Tobyl ózeniniń deńgeıi kóterilip keledi. Qaratomar sý qoımsynan sý jiberý sekýndyna 2640 tekshe metrge deıin ulǵaıtyldy. Qaratomardan shyqqan sý tústen keıin bizge jetedi. Iаǵnı, bul – qalanyń mańynan sekýndyna shamamen 3 jarym myń tekshe metr sý aǵyp ótedi degen sóz. 2000 jyly Qaratomar sekýndyna 1700 tekshe metr sý jibergen. Al búgin sý aǵyny sekýndyna 4 myń tekshe metrge deıin jetýi ábden múmkin», dedi Qostanaı qalasynyń ákimi Marat Júndibaev.
Qala ákimi tótenshe jaǵdaıdyń osy qaýiptiń aldyn alý úshin engizilip jatqanyn aıtty. Qostanaıda 1000-nan astam adamdy qabyldaı alatyn 20 shaqty evapýnkt daıyndalǵan.
«Qazir evakýasııalyq ortalyqtarda adamdardyń ýaqytsha turýyna qajet jaǵdaıdyń bári jasalǵan. Azyq-túlik, tósek-oryn jetkilikti. Avtobýstar da daıyn tur. Keshe qala shetindegi saıabaqtardan 218 adam evakýasııalandy. Olardyń altaýy ǵana «Drýjba» shıpajaıyna ornalasty, qalǵany týys-týǵandarynyń úıine ketti. Evakýasııalaý búgin de jalǵasatyn bolady. Abyroı bolǵanda, Tobyldan qaýip tónýi múmkin ekenin bizge aldyn ala eskertti. Kesheden beri jergilikti polısııa men TJ qyzmetkerleri saıabaqtardy aralap, turǵyndarǵa jaǵdaıdy túsindirip, kóndirip, qaýipsiz jerge alyp shyǵyp jatyr. Búgin TJ rejimi engizildi, endi mundaı shuǵyl sharalardy kúsheıtetin bolamyz. О́ıtkeni, sý tasqynynyń eń qaýipti kezeńi búgin keshke nemese túnde bolady. Sondyqtan búgin kún jaryqta barlyq saqtyq sharalaryn jasap úlgerýimiz kerek», dedi ákim.
Tobyl jaǵasynda tańnan beri qyzý jumys júrip jatyr. Birneshe ekskavator eski kópirdiń astyna kirip aǵynǵa bóget jasaýy múmkin úlken muzdardy shómishimen uryp syndyryp jatyr. TJ qyzmetkerleri, polıseıler, memlekettik qyzmetshiler men eriktiler qaýip tónýi múmkin jaǵalaýǵa jaqyn kóshelerden adamdardy evakýasııalap, qum qaptaryn daıyndap jatyr.
