Qostanaı aýdanynda uzyn yrǵasy 2494 bala oqıtyn 5 mektep sý basyp qalý qaýpi bar jerlerde ornalasqan. Búginge deıin 543 bala evakýasııalanyp, olardyń jartysynan kóbi týystarynyń úıine ornalastyryldy.
Qostanaı aýdanynyń evakýasııalyq pýnktterinde 42 bala jatyr. Olardyń 27-si – mektep jasyndaǵy balalar. Olar evakýasııalyq pýnktter ornalasqan mektepterdiń kompıýterlerin paıdalanyp qashyqtan oqyp jatyr.
«Balalary bar otbasylardyń bári ýaqtyly, sý kelmeı turyp evakýasııalandy, barlyq qajetti kerek-jaraqtary bar. Jangeldın, Amangeldi, Qarasý, Áýlıekól aýdandarynyń jáne Rýdnyı qalasynyń mektepterinde oqyp jatqan 968 bala qashyqtan bilim alýdy jalǵastyrady. Jol qatynasynyń qıyndyǵyna baılanysty mektep avtobýsymen ózge aýyldarǵa baryp oqıtyn balalar da birneshe kúnge qashyqtan oqytý rejimine kóshiriledi. Bul týraly oqýshylardyń ata-analaryna jedel habarlanyp jatyr», dep málimdedi oblystyq bilim basqarmasynyń baspasóz qyzmeti.
Qostanaı oblysy
