Qazir óńirde sý tasqynynyń kútiletin ekinshi tolqyny – transshekaralyq ózenderdiń tasýyna qarsy daıyndyq qyzý júrip jatyr. 9 sáýirdegi jaǵdaı boıynsha 33 shaqyrymnan astam ýaqytsha bóget turǵyzyldy. Bul baǵyttaǵy jumys jalǵasady.
Sońǵy derekterge qaraǵanda, Batys Qazaqstan oblysynda 1155 turǵyn úı sý astynda qalyp, 732 úıge turǵyndary qaıta oralǵan.
«О́ńirde 408 úıde adam turmaıdy. Al 15 úıdiń ıesi joq», deıdi oblystyq tótenshe jaǵdaılar departamenti bastyǵynyń mindetin atqarýshy Rýslan Qasybaev.
Osy kezge deıin óńirdegi avtomobıl joldarynyń 65 bóliginde sý tolyp, jol tósemi shaıylǵan. Oblystyń eki aýdanyndaǵy 9 eldi meken kólik qatynasynsyz qalyp tur. Biraq bul eldi mekenderde azyq-túlik jáne turmystyq zattar qory jetkilikti.
«О́ńirde úsh áýe kemesi daıyn tur. Olar qajet bolǵan jaǵdaıda avarııalyq-qutqarý jumysyn júrgizýge, sondaı-aq gýmanıtarlyq kómekti jetkizýdi júzege asyrady», dedi Rýslan Qasybaev.
«Qazgıdromet» mamandarynyń boljaýynsha, Reseıdiń Orynbor oblysy tarapynan kele jatqan mol sý Batys Qazaqstan oblysyna sáýirdiń 15-inen bastap kelmek.
Batys Qazaqstan oblysy
