Oblys ortalyǵy men Qarasý, Qostanaı aýdandarynda da arnaıy komıssııa qurylyp, zardap shekken turǵyndardan ótinish qabyldap jatyr. О́ńirlik jedel shtab oblys aýmaǵyndaǵy sý qoımalarynyń deńgeıin saǵat saıyn ólshep, ózenderdi jiti baqylap otyr. Aımaqtaǵy iri sý qoımalarynyń bári tolǵan.
«Buryn-sońdy bolmaǵan joıqyn sý tasqyny kezinde oblys aýmaǵyndaǵy negizgi bógetterdiń eshqaısysy buzylǵan joq. Qazirgi tańda Qaratomar sý qoımasynan aǵyp jatqan sýdyń mólsheri sekýndyna 900 tekshe metrge deıin tústi», dep málimdedi oblystyq jedel shtab ókilderi.
Tobyl ózeni men Tintýir ózenderi boıynan evakýasııalanǵan 9 099 adamnyń 325-i ýaqytsha ornalastyrý pýnktterinde jatyr. Qalǵany týystarynyń úıine ornalasqan.
Amangeldi jáne Jankeldın aýdandaryna qarasty birtalaı eldi meken jaryqsyz otyr. Máselen, Amangeldi aýdanyndaǵy Úrpek aýylynyń jaryqsyz otyrǵanyna eki aptadaı bolyp qaldy. Aýdan ortalyǵymen irgeles jatqanyna qaramastan, kúni búginge deıin bul eldi mekenge kólik qatynasy joq. Aýdan ákimdiginiń málimetinshe, tasqyn sý 120-dan asa elektr baǵanyn qulatyp ketken. Jan-jaqty túgel sý basyp jatqandyqtan, sý astyndaǵy baǵandardy turǵyzyp, elektr symyn jalǵaý jumystary ilgerilemeı tur. Aýylda elektr jaryǵy bolmaǵan soń, aýyzsý da tapshy, jergilikti naýbaıhana da jumysyn toqtatqan. Atalǵan aýdanda Úrpekten basqa da birtalaı eldi meken birazdan beri jaryqsyz, baılanyssyz otyr.
«Qazirgi tańda gýmanıtarlyq kómekpen kelgen generatorlardy osy jaqtarǵa úlestirip jatyrmyz. Bul zattar tótenshe jaǵdaılar bóliminiń mamandary arqyly arnaıy tikushaq, qaıyqtarmen jóneltiledi. Kúni keshe ǵana «Biz birgemiz» uıymynan taǵy 80 generator keldi», deıdi sý tasqyny bastalǵannan beri sol jaqtaǵy volonterler shtabynyń jumysyn basqaryp júrgen Aıbek Tańatbaev.
Jankeldın aýdanyna qarasty Aqkól, Ahmet Baıtursynuly, Sarysý, Qyzbel eldi mekenderi de birazdan beri jaryqsyz otyr. Toǵyz aýylmen kólik qatynasy úzilgen. Bul joldardy jóndeý qazir múmkin emes. О́ıtkeni joldyń sý jyryp ketken jerlerinen arqyrap sý aǵyp jatyr.
«Jer qurǵasa birden joldy qalpyna keltirýge kirisemiz. Tehnıka daıyn tur. Sýdyń áli beti qaıtpaǵan jerler bar. Aýdanǵa qarasty 10 aýyl jaryqsyz otyr. Ony qazir qalpyna keltirý múmkin emes. О́ıtkeni baǵandary jaramsyz, sýdyń ortasynda tur. Sondyqtan birte-birte qosýǵa týra kelip otyr. Qazir bul máselemen Arqalyqtan kelgen mamandar aınalysyp jatyr. Qazir Qyzbelden basqa aýyldardyń bári óz ornynda otyr. Túıemoınaq aýylynda da sý tur. Bul aýylda 7 úı otyr edi, keshe «Biz birgemiz» qorynan jetken kıiz úılerdi osy jeti otbasyna aparyp berdik. Olar aýyl shetindegi sý shyqpaǵan jerge kıiz úı tigip, kirip aldy. Al bala-shaǵasy – Aqshyǵanaq aýylynda. Qazir Torǵaı, Qabyrǵa ózenderinde sý deńgeıi tústi. Tek qana Qyzbel jaqtan ótetin Saryózen ǵana kóterilip tur», dedi Jangeldın aýdanynyń ákimi Shota Ospanov.
Astanadaǵy «Biz birgemiz» qory Torǵaıdaǵy tasqyn sýdan zardap shekken turǵyndarǵa 25 kıiz úı jetkizip bergen. Amangeldi, Jangeldın aýdanyndaǵy biraz otbasy sý tartylyp, jer degdigenshe osy úılerdi panalaı turady.
Arqalyq tóńiregindegi sý basqan eldi mekendermen de birtindep qatynas ornatylyp jatyr. Qazir Ekidiń aýylynyń turǵyndary Arqalyqqa parommen baryp-kelip júr. Jaryqsyz qalǵan qystaqtar generatorlarmen qamtamasyz etilgen.
Sý tasqynynan zardap shekken kásipkerlerge de kómek kórsetiledi. Mysaly, oblystyq kásipkerler palatasyna tasqynnan zardap shekken 300-ge jýyq kásipker kómek surap, ótinish túsirgen. Bızneske kelgen shyǵyn kólemi 2,7 mlrd teńgege baǵalanyp otyr.
Qostanaı oblysy
