Osylaısha, tótenshe jaǵdaıdaǵy Atyraý oblysyna 3 «KamAZ» júk kóligi, 1 jeńil avtokólik, qural-saımandar (kúrek, balta, súımen jáne t.b.) jiberildi. Onyń ishinde shatyrlar, kereýetter, shamdar, qutqarý keýdesheleri, rezeńke etik, 5 myń qap, dári-dármek bar.
Megapolıstiń Almaly aýdanynyń komıýnıtı ortalyǵy bazasynda ashylǵan qabyldaý pýnkti 29 naýryzdan bastap jumys istep jatyr. Kún saıyn almatylyqtar zardap shekken aımaqtarǵa qaraılasý úshin birinshi kezekte qajetti zattardy ákelip jatyr. Bul bastamaǵa qarapaıym qala turǵyndarynan bastap, kásipkerler, belsendi jastar da atsalysyp otyr. Osynyń nátıjesinde 6 kúnniń ishinde 10 tonnaǵa jýyq gýmanıtarlyq kómek jınalsa, onyń ishinde 2,5 tonnadan asa kıim, 1 tonnadaı gıgıena quraldary, 3,5 tonnadan asa azyq-túlik, turmystyq zattar, t.b. bar.
Osy kúnderi gýmanıtarlyq kómekterdi qabyldaý pýnktiniń jumysyna qalanyń 30-dan asa volonterlik uıymynan 100-den asa erikti jumyldyryldy. О́z kezeginde Jastar saıasaty basqarmasy ıgi iske atsalysqan almatylyqtarǵa alǵys bildirip otyr.
Gýmanıtarlyq kómek qabyldaý pýnkti apta sońyna deıin Almaly aýdany, Baıtursynuly kóshesindegi 22/1 mekenjaıynda jumysyn jalǵastyrady. Qabyldanatyn gýmanıtarlyq kómek túrlerine azyq-túlik, aýyzsý, dári-dármek, medısınalyq kerek-jaraqtar men kıim-keshek, kúndelikti qajetti kórpe, jastyq, uıyqtaıtyn qap, sharýashylyq taýarlary sııaqty dúnıeler jatady.
ALMATY
