foto: Sputnik / Vladıslav Vodnev
Aqpanda jáne naýryzda jyldyq ınflıasııa tómendedi. Biraq syrtqy ınflıasııalyq jaǵdaı beıtarap túrde qalyptasyp otyr. Álemdik naryqtarda astyq baǵasy tómendep keledi. Ishki ekonomıkada ornyqty ishki suranysqa jáne turaqtanbaǵan ınflıasııalyq boljamǵa baılanysty ınflıasııalyq qysym bar.
«Inflıasııa boıynsha bes paıyzdyq maqsatqa jetý úshin ustamdy qatań aqsha-kredıt sharttaryn saqtaý qajet. Qazirgi jaǵdaıda aqsha-kredıt saıasatyn jeńildetýge arnalǵan keńistik áli de shekteýli. Onyń qalyptasýy ınflıasııanyń ornyqty bóliginiń turaqty túrde baıaýlaýyna baılynysty», dep málimdedi ulttyq bank.
Jyldyq ınflıasııa naýryz aıynda 9.1% tómendedi. Aýytqý qubylysy turǵyn úı-kommýnaldyq qyzmetter baǵasynyń meılinshe tez ósý áserinen oryn alyp otyr. Ustamdy qatań aqsha-nesıe saıasaty men astyqtyń álemdik baǵasynyń tómendeýi ınflıasııanyń tómendeýine ákeldi. Al aılyq ınflıasııa naýryzda 0.7% baıaýlady.
Halyqtyń ınflıasııalyq boljamdary birshama tómendedi. Alaıda kútýler áli de joǵary deńgeıde. Bul negizinen tamaq ónimderi, TKQ men janar-jaǵarmaı baǵasynyń ósýine baılanysty.
Syrtqy ınflıasııalyq jaǵdaı beıtarap túrde qalyptasyp otyr. Naýryzda ósimdik maıy baǵasynyń kóterilýinen álemdik naryqtarda azyq-túlik quny azdap ósti. Eksporttaýshy elderde jınalǵan ónimniń esebinen jáne teńiz arqyly saýda joldarynyń úzdiksiz jumys isteýine baılanysty astyq baǵasy tómendep keledi.
Munaı baǵasy bazalyq ssenarııden sál joǵary qalyptasyp otyr. Bul Qazaqstannyń saýda balansyna oń áser etedi. Biraq munaıdyń joǵary baǵasy syrtqy ınflıasııalyq áserdiń artýyna sebep bolýy múmkin.
«Syrtqy aqsha-nesıe jaǵdaılary qatań qalpynda qalyp otyr. 2024-2025 jyldary AQSh FRJ mólsherlemelerdi meılinshe ustamdy túrde tómendetedi degen boljam bar. EOB 2024 jyly ekonomıkalyq ósim meılinshe álsiz bolady degenge qaramastan, ınflıasııa orta merzimdi nysanaǵa qaıtarylǵansha tejeýish aqsha-nesıe sharttaryn saqtaýdy josparlap otyr», delingen vedomostvo habarlamasynda.
Málimdeýinshe, proınflıasııalyq táýekelder retteletin baǵalardaǵy reformalar, Qazaqstandaǵy sý tasqynynyń saldary, sondaı-aq olardy joıý úshin qajet shyǵynnyń belgisiz bolýyna baılanysty.
«Ulttyq bank ortamerzimdi perspektıvada ınflıasııa boıynsha 5%-dyq maqsatqa jetý mindetin ustanady. Bul uzaq ýaqyt boıy ustamdy qatań aqsha-kredıt saıasatyn júrgizýdi qajet etedi. UB retteletin baǵalar reformasy sekildi birjolǵy faktorlardy eskermeıtin ınflıasııanyń ornyqty bóligin baqylaı túsedi. Inflıasııanyń ornyqty bóliginiń turaqty túrde baıaýlaýy bazalyq mólsherlemeniń tómendeýine keńistik qalyptastyrady», delingen habarlamada.
