Qoǵam • 13 Sáýir, 2024

Apatpen kúres: Soltústik Qazaqstan oblysynda 700-den astam áskerı qyzmetshi atsalysyp jatyr

100 ret

kórsetildi

1 mın

oqý úshin

О́ńirde sý deńgeıi kúrt kóterilýinen Esil ózeniniń «Hromzavod» shaǵyn aýdany mańyndaǵy bógetti tasqyn sý shaıyp ketip, 114 turǵyn úı sý astynda qaldy. Qazirgi ýaqytta Qarýly kúshterdiń áskerı qyzmetshileri Tótenshe jaǵdaılar jáne polısııa departamentteri mamandarymen birlesip, Petropavl qalasy mańyndaǵy bylǵary zaýyty aýdanynda evakýasııalyq jumystar júrgizip jatyr, dep habarlaıdy Egemen.kz Qorǵanys mınıstrligine silteme jasap.

Shyńǵys MUQAEV

Apatpen kúres: Soltústik Qazaqstan oblysynda 700-den astam áskerı qyzmetshi atsalysyp jatyr

Foto: Vedomstvo

Sonymen qatar áskerıler qaptarǵa qum salý, yqtımal sý basý ýchaskelerine tosqaýyldar qoıý, bógetterdi nyǵaıtý, gýmanıtarlyq kómekti jetkizý-túsirý jumystarynda júr. Olar Beskól, Úlken Malyshka, Bornıevka, Dalmovka, Teplıchnyı eldi mekenderi turǵyndaryn evakýasııalaýǵa kómektesti. Áskerılerdiń kómegimen qapshyqtardy toltyrý, Petropavl mańyndaǵy aınalma joldy nyǵaıtý, Zarechnyı kentindegi bógetti bekitý jumystary júrgizilip, Beskól, Mıchýrın aýyldarynda qum salynǵan qaptar tóselip jatyr.

Qutqarý jumystaryna «Astana» О́ńQ, 68665 áskerı bóliminiń jáne SQO aýmaqtyq qorǵanys brıgadasynyń áskerı qyzmetshileri tartylǵan.

Qorǵanys mınıstrligi Vedomstvonyń málimetinshe apatpen kúreske 27 naýryz ben 12 sáýir aralyǵynda Qarýly kúshterdiń 4 959 áskerı qyzmetshisi, 170-ten astam avtomobıl tehnıkasy, 11 tikushaq, 5 áskerı-kóliktik ushaǵy jumyldyrylǵan. 2 724 jergilikti turǵyn evakýasııalanyp, 828 adam jáne 136 tonnadan astam júk tasymaldanǵan. 352 600-den astam qap qum daıyndalyp, tóselgen.