foto: Astana ákimdigi
Astana ákimdiginiń sheshimi boıynsha, Jeńistiń 79 jyldyǵyna oraı soǵys ardagerlerine tólenetin tólem somasy eki ese ulǵaıdy. Endi ardagerler 2 mıllıon teńgeden alady. Búgingi tańda elordada ekinshi dúnıejúzilik soǵystyń jeti ardageri turady.
«Sonymen qatar tólemderdi ekinshi dúnıejúzilik soǵys ardagerlerine teńestirilgen ardagerler (qatysýshylary men múgedekterinen basqa) (soǵys kezeńinde qyzmet ótkergen áskerı qyzmetshiler, fashıstik Germanııaǵa qarsy is-qımyldarǵa qatysqan adamdar, Lenıngrad qalasynda blokada kezeńinde jumys istegen azamattar, konslagerlerdiń kámeletke tolmaǵan tutqyndary, jaralanýy saldarynan múgedek bolǵan áskerı qyzmetshiler, azamattyq nemese áskerı maqsattaǵy nysandardaǵy radıasııalyq apattar men ıadrolyq synaqtar saldarynan múgedektigi anyqtalǵan adamdar jáne olardyń balalary) - 45 AEK (166 140 teńge) mólsherinde aqsha alady», dep tolyqtyrdy ákimdik qyzmetkerleri.
Basqa elderdiń aýmaǵynda ótken áskerı is-qımyldardyń ardagerlerine 45 AEK (166 140 teńge) kóleminde aqsha tólenedi.
«Ardagerler týraly» QR Zańynyń kúshi qoldanylatyn basqa adamdar (tyl eńbekkerleri, qaza tapqan áskerı qyzmetshilerdiń otbasylary, qaıtys bolǵan ardagerlerdiń jubaıy (zaıyby) – 15 AEK (55 380 teńge) mólsherinde alady.
Buǵan deıin Almaty qalasynda turatyn soǵys ardagerlerine tólenetin tólem somasy da eki ese ulǵaıǵanyn habarlaǵan edik.
