Beıbitshilik týy berik bolsyn

Men áskerı qyzmetker jáne beıbitshilikti saqtaý isine 43 jyl ómirimdi arnaǵan adam retinde elimizde eń aldymen beıbitshilik, tynyshtyq bolǵanyn qalaımyn. Ony saqtaý úshin salıqaly saıasat, ózgelerge óz sóziniń durysty­­­ǵyn moıyndata alatyn bilik­ti de bilimdi dıplomatııa kerek. Qudaıǵa shúkir, qazir bizdiń ondaı áleýetimiz bar. Prezıdent Nursultan Nazarbaevtyń basqarýymen elimiz ózin bedeldi bıikke kótere aldy. Sonymen birge, Elbasy ishki kelisim men tózimdiliktiń de mańyzy zor ekendigin eshqashan esten shyǵarǵan emes. Osy oraıda, 2015 jyldy «Qazaqstan halqy Assambleıasynyń jyly» dep jarııalaǵanyn men shyn nıetimmen qoldaımyn. Ishki kelisimdi saqtaýda Assambleıanyń róli zor bolyp keldi, aldaǵy ýaqytta da solaı bola bereri sózsiz. Jalpy, 2015 jyl Qazaqstan úshin mańyzy óte tereń mereı­­toılyq jyl bolǵaly tur. Sonyń ishinde bul jyly Kons­tı­týsııanyń – 20, Qazaq han­dyǵynyń – 550 jáne Uly Je­ńis­tiń 70 jyldyǵy atalyp ótpek. Osy mereı­toılardyń bári de ózderine laıyq mazmunda atap ótilýi kerek. Bizde qazir «Áskerı-ǵyly­mı akademııa» atty qoǵamdyq birles­tik quryldy. Men sonyń prezı­denti bolyp saılandym. Mine, osy birlestik te osynaý tarı­hı oqıǵa­lardy atap ótýge óziniń laıyq­ty úlesin qosýǵa daıyndalyp jatyr. Sonyń ishinde jastardy patrıotızm rýhynda tárbıeleý isterine belsendi túrde qatyspaqpyz. Ásirese, Qazaq handyǵynyń 550 jyldyǵy mereıtoıyna oraı jastarymyzǵa tarıhtyń tereń qatparlarynan bilikti dárister men áńgimeler ótkizýdi kózdep otyrmyz. Uly Jeńistiń 70 jyldyǵy da bizdiń nazarymyzdan tys qalmaıdy. Onyń mańyzyn da búgingi jastarǵa bildirip otyrý – bizdiń paryzymyz. Májilis depýtaty retinde aıtarym, qazir bizge elimizdiń ekonomıkalyq áleýetin arttyra túsýdi kózdeıtin jáne aıtýly datalardy laıyqty atap ótýge mursat beretin zań jobalary túsip jatyr. Mine, solardy biliktilikpen talqylap, memleketimiz ben hal­qy­myzǵa barynsha tıimdi bolatyn tustaryn basa kórsete otyryp qabyldaýǵa belsene atsalysýymyz kerek. Kez kelgen zań jobasynda olqylyqtar bolmaı turmaıdy, bizdiń mindetimiz – solardyń ótip ketpeýine jiti nazar aýdaryp, jetim­siz jaqtaryn shıratýǵa atsaly­sý. Bul mindetti atqarýǵa Máji­lis depýtattarynyń áleýeti molynan jetedi. Osy ýaqytqa deıin qabyldaǵan zańdarymyzdyń elimizdiń ekono­mıkasyn kóterýde zor qyzmet etke­nin keshegi ındýstrııalandyrý bes jyldyǵynyń tabysty aıaqtal­ǵanynan kórip otyrmyz. Qansha­ma jańa kásiporyndar, myńda­ǵan jańa jumys oryndary ashyl­dy. Solardyń bárine zańnama­lyq turǵydan múmkindik bergen biz qabyldaǵan zańdar ekenin oıla­ǵanda, elimiz úshin júregimizdi maqta­nysh sezimi de kernep ketedi. Halyq­tyń áleýmettik turǵydan qorǵa­lýyna qolymyzdan kelgen múmkin­digimizdiń bárin jasaýdamyz. Jańa jylda da osyndaı qarqynnan kórinerimiz haq. Elimiz aman, jurtymyz tynysh bolyp, Jańa jyl jańa tabystar ákelsin. Abaı TASBOLATOV, Parlament Májilisiniń depýtaty, general-leıtenant.