Osy jobalardyń qatarynda 1 - maqsatty qarjylandyrý baǵdarlamasy boıynsha, 5 - granttyq qarjylandyrý, 4 - jas ǵalymdarǵa arnalǵan granttyq qarjylandyrý boıynsha jáne 22 - «Jas ǵalym» baǵdarlamasy boıynsha jobalar iske asyp jatyr. Ǵylymı jobalarmen D.Alıasqarov, N. Shakırova, D.Bılıalov, D.Sabırova, N.Úsenov, A.О́mirbekova, M.Revshanova, A.Syzdyqbaeva, E.Janysbekova, M.Ádilov, E.Ospanbekov, B.Atabekova, A.Ryshan, A.Sabıtqyzy, B.Baıjigit, A.Quttyǵalıeva, D.Asymova, G.Rahımova, J.О́mirbekova, A.Beıkıtova, J.Sametova, D. Orynbaeva, N.Qonqabaeva, E.Tileýberdi, A.Seıilhan, Y.Baqytkárim, D.Sadırbekova, J. Jumabaeva sııaqty jas ǵalymdar aınalysyp jatyr.
Byltyr ýnıversıtet ǵalymdary Scopus derekter bazasynda 244 jáne Web of Science bazasynda 123 maqala jarııalasa, olardyń jartysynan astamyn daıyndaýǵa jas ǵalymdar úles qosqan. Sońǵy jyldary ýnıversıtettiń jas ǵalymdary birneshe respýblıkalyq jáne halyqaralyq konkýrstarda top jardy. Bul qatarda «JOO úzdik oqytýshysy» jeńimpazdary, «Talantty jas ǵalymdarǵa arnalǵan memlekettik ǵylymı stıpendııa» ıegerleri, «500 ǵalym» baǵdarlamasy boıynsha Bolashaq halyqaralyq stıpendııasy, Tuńǵysh Prezıdent qory uıymdastyrǵan «Altyn tobylǵy» báıgesiniń «Dramatýrgııa» nomınasııasy boıynsha gran-prı ıegeri bar.
Ýnıversıtettiń jas ǵalymdary otandyq jáne sheteldik konsýltatıvtik-keńesshil jáne qoǵamdyq ǵylymı uıymdarda belsendi jumys istep keledi. Osylaısha, elimizdiń ǵylym salasynda bolyp jatqan ózgeristerge beıjaı qaramaı, ǵylym salasyndaǵy zańnamalyq qujattardyń, memlekettik baǵdarlamalardyń, erejelerdiń jáne taǵy basqa normatıvtik-quqyqtyq qujattardyń mazmundaryna ózgerister engizý boıynsha usynystar ázirleý, jas ǵalymdardyń quqyqtaryn qorǵaý, qoǵamda ǵylymdy nasıhattaý jáne talantty jastardy ǵylymǵa tartý sııaqty jumystarda belsendilik tanytyp otyr.
2023 jyldyń qorytyndysy boıynsha Qazaqstan Respýblıkasy joǵary oqý oryndarynyń úzdik 50 POQ bas reıtıngisine jas ǵalym, postdoktorant Erbol Tileýberdi endi.
Osy jyly ýnıversıtettiń Jas zertteýshiler keńesiniń tóraǵasy – Shahıslam Laıshanov Prezıdent janyndaǵy UǴA Jas zertteýshiler keńesi tóraǵasynyń orynbasary bolyp taǵaıyndaldy. A.Seıilhan Ulttyq ǵylymı keńestiń, Á.Baıbol Qazaqstan Jazýshylar odaǵynyń jáne Qazaqstan avtorlary qoǵamynyń beldi múshesi. Sonymen qatar jas ǵalymdar «Qazaqstan jas ǵalym-pedagogtar qaýymdastyǵynyń» jáne «Dúnıejúzi qazaq jas ǵalymdar platformasynyń» músheliginde belsendi eńbek etip keledi. Bul derekter jas ǵalymdardyń otandyq ǵylymı qaýymdastyqtaǵy belsendiligin aıǵaqtaıdy.
2022 jyly ýnıversıtet Ǵylym departamenti janynan «Jas zertteýshiler keńesi» qurylyp, konsýltatıvtik uıymnyń quramynda belsendi 26 jas ǵalym jumys istep júr. Keńes qyzmeti jas zertteýshilerdiń ózara tájirıbe almasý alańyn qurý jáne olardyń ǵylymı jumystaryna ǵylymı-ádistemelik qoldaý kórsetýge baǵyttalǵan is-sharalardy uıymdastyrý, sondaı-aq ýnıversıtettiń, onyń ishinde jas zertteýshilerdiń ǵylymı jetistikteri men eńbekterin nasıhattaý arqyly ǵylymdy tanymal etýge baǵyttalǵan. Jas zertteýshiler óz jumys josparyna sáıkes ýnıversıtettiń alǵa qoıǵan maqsat-mindetterin júzege asyrýǵa óz úlesterin qosyp keledi.
