Jalpy oblys boıynsha 30 astam eskertkishke tazartý, qaıta qalpyna keltirý jumystary júrgizilip, oǵan 5000 astam adam qatysty. Onyń ishinde, Ortalyq, Jeńis jáne Ardagerler saıabaǵynda ótken tazalyq jumystaryna Aýǵan soǵysy, Chernobyl jáne eńbek ardagerleri muryndyq boldy. Sonymen qatar Kerbulaq aýdanynda ornalasqan Sh.Ýálıhanov atyndaǵy «Altynemel» memorıaldy mýzeıinde jas tabıǵat saqshylarynyń qatysýymen mýzeı aýmaǵyn abattandyrý jumystary júrgizilip, sońy jas urpaqty tarıhı muralarmen tanystyrýǵa arnalǵan ekskýrsııamen jalǵasyn tapty.
Oblys aýmaǵynda jalpy 1155 tarıh jáne mádenıet eskertkishteri bar. Osy aptada 70 tazalyq sharasy josparlanǵan: oblystyń ádebı uıym músheleriniń qatysýymen oblys aýmaǵyndaǵy aqyn-jazýshylardyń eskertkishterine, mekteptiń kadet synyptarynyń oqýshylary «Dańq» alleıasy, «UOS ardagerlerine» arnalǵan eskertkishterge tazalyq sharasyn júrgizedi. Odan bólek, oblys ortalyǵynda bıyl otbasyn quratyn 30 jup kóshet otyrǵyzyp, «Jas otbasylar» alleıasy ashylady. Taldyqorǵan qalasynyń, Qyzyltas saıajaıy mańynda «Taldyqorǵan – petroglıfter eliniń astanasy» atty qaıyrymdylyq ekofestıvali ótedi. Ekofestıval aıasynda aýmaqqa tazartý jumystary júrgizilip, jas aǵash kóshetterin otyrǵyzý josparlanǵan. Atalmysh tazalyq sharalary oblystyń ár aýdan, qalasynda jalǵasyn tappaq.
