Ǵylym jáne joǵary bilim mınıstri Saıasat Nurbek pen Seýl Ulttyq ǵylym jáne tehnologııalar ýnıversıtetiniń (Seoultech) prezıdenti Don Hvan Kım «500 ǵalym» baǵdarlamasy aıasynda yntymaqtastyqty keńeıtýge kelisti. Jaqynda bolǵan eki eldiń ókilderiniń kezdesýinde taraptar elimizdegi joǵary bilim jáne ǵylym salasynda bolyp jatqan oń ózgeristerdi talqylady. Atap aıtqanda, mınıstr S.Nurbek Qazaqstanda jetekshi sheteldik joǵary oqý oryndary fılıaldarynyń sátti ashylyp jatqany, Qazaqstandy Ortalyq Azııadaǵy akademııalyq hab retinde damytý boıynsha júrgizilip jatqan saıasat týraly habardar etti. О́z kezeginde ýnıversıtet prezıdenti Don Hvan Kım Seoultech-ti álemniń úzdik ýnıversıtetteriniń tizimine engizýdi josparlap otyrǵanyn jetkizdi.
Ǵylym jáne joǵary bilim mınıstri S. Nurbek Qazaqstanda Seoultech fılıalyn ashýdyń artyqshylyqtaryna nazar aýdardy. Máselen, elimizdiń strategııalyq jaǵdaıy, elder arasyndaǵy túrli saladaǵy birqatar uzaqmerzimdi áriptestik, koreı joǵary oqý oryndarynyń basqa da fılıaldaryn ashý tájirıbesi, paıdaly qazbalar men bıotehnologııa, ǵarysh salasynda birlesken zertteýler júrgizý múmkindigi, olar boıynsha elimizdiń jınaqtalǵan bazasy jáne tabıǵı mıneraldar men jer qoınaýynyń úlken qory bar. Mınıstrdiń pikirinshe, munyń bári ózekti birlesken zertteýler júrgizýge ǵana emes, sonymen qatar álemdik ǵylym men bilimniń damýyna eleýli úles qosýǵa kómektesedi.
Sondaı-aq taraptar «Bolashaq» halyqaralyq stıpendııasy men «500 ǵalym» ǵylymı taǵylymdamadan ótý baǵdarlamasy aıasyndaǵy yntymaqtastyqty keńeıtý máselelerin talqylady. Taraptar birlesken jumysty qos dıplomdyq baǵdarlamadan bastaýǵa kelisti.
