Foto:depositphotos.com
Ádilet mınıstri Azamat Esqaraev atap ótkendeı, qoldanystaǵy qylmystyq zańnama aıasynda qoǵamdyq jumystarǵa tartý túrindegi jaza qarastyrylǵan. Qylmystyq kodekstiń 43-babyna sáıkes sottalǵandar tegin jumys kúshi retinde belgili bir biliktilikti talap etpeıtin qoǵamdyq jumystardy atqarady. Olardy ákimdikter uıymdastyrady. Ádilet mınıstrligi osyǵan uqsas jazany Ákimshilik quqyq buzýshylyq týraly kodekske (ÁQBK) engizýdi usyndy.
«Zań jobasynda qoǵamdyq jumystarǵa tartý túrindegi ákimshilik jazalardy júzege asyrýdyń uqsas tetigin qoldaný usynyldy, ony júzege asyrý ákimdikterge tapsyrylady», dedi Azamat Esqaraev Májilistiń jalpy otyrysynda.
Qoǵamdyq jumystarǵa usaq buzaqylyq (434-bap) jasaǵandar, alkogoldi ishimdik ishken nemese qoǵamdyq oryndarǵa mas kúıinde barǵandar (440-bap), qoǵamdyq oryndarda qysym kórsetkenderdi (449-bap) tartý usynyldy.
Aıta keteıik, usaq buzaqylyqqa qoǵamdyq oryndarda ádepsiz sózder aıtý, jeke tulǵalardy qorlaý, ǵımarattardy, basqa qurylystardy, turǵyn úı-jaılardy, qoǵamdyq oryndardy, kóliktegi jáne basqa da qoǵamdyq oryndardaǵy múlikti qorlaý jáne qoǵamdyq tártip pen jeke tulǵalardyń tynyshtyǵyn buzatyn áreketter jatady.
Esterińizge sala keteıik, 2023 jyly qoǵamdyq oryndarda ádepsiz sóz aıtqan azamattarǵa aıyppul salyna bastady. Búgingi kúni aıyppul 20 AEK-ti (2024 jyly 73 840 teńge) quraıdy.
