Qor qyzmetkerleri gýmanıtarlyq kómek pen qarajat jınap, óńirlerde avarııalyq-qutqarý jumystaryna, zaqym kelgen nysandar men turǵyn úılerdiń ınfraqurylymyn jóndeýge belsendi kómektesip jatyr.
«Qorǵa qarasty avıakompanııalarda bıletterdiń qunyn tómendetý úshin arnaıy tarıf engizildi. Bul tasqyn sýǵa tap bolǵan óńirlerden zardap shekkenderdi qaýipsiz jerlerge shyǵarýǵa múmkindik beredi. Ol úshin «Eır Astana» kompanııasy 33 qosymsha reıs jáne «Qazaq Air» kompanııasy 2 qosymsha reıs uıymdastyrdy», dedi «Samuryq-Qazyna» AQ basqarma tóraǵasy Nurlan Jaqypov.
Aıta keteıik, avıakompanııalar suranystyń artýyna qaramastan tarıfterdiń qunyn kótergen joq, kerisinshe, 13-24 sáýir aralyǵynda Atyraýdan ushatyn tikeleı reısterge arnaıy tarıf engizildi. «Eır Astana» jáne FlyArystan áýekompanııalarynyń bir bıleti (ekonom) 40 myń teńgeni quraıdy. Qazaq Air kompanııasynda 24 sáýirge deıin sý tasqynyna tap bolǵan óńirler úshin barlyq baǵyt boıynsha avıabıletterdiń quny 40 myń teńgeden asyrylmaıdy.
«Eır Astana» jáne FlyArystan sý tasqyny bastalǵaly beri 60 tonnadan astam gýmanıtarlyq júkti tegin jetkizdi.
Sonymen qatar tabıǵı apatpen kúresý úshin Qor qajetti tehnıkalar men adam kúshin usyndy. Kompanııalar tobynan 25 myńnan astam adam sý tasqynymen kúres jumystaryna jumyldyrylyp, 865 birlik tehnıka jáne 414 tonna JJM bólindi.
Shtattan tys jaǵdaılarǵa jedel áreket etý úshin 45 shaıyp ketýge qarsy jáne 47 órt sóndirý poıyzdary uıymdastyryldy. «QTJ» UK» AQ Qazaqstannyń basqa óńirlerinen sý basý aımaqtaryna qajetti tehnıkalardy jedel jetkizý úshin arnaıy vagondar bóldi.
Bul rette temirjol transporty arqyly jalpy sany 22 myńǵa jýyq adam tasymaldandy, onyń ishinde 12 myń adam QTJ esebinen tegin jetkizildi. Tasqyn kezinde temirjol bıletteriniń quny kóterilgen joq jáne sol deńgeıinde qalǵanyn atap ótken jón.
Máselen, Oral – Qyzylorda jáne Atyraý – Almaty baǵyttary boıynsha kýpe vagondaryna bılet quny – 13 915 teńge, plaskart – 9 216 teńge. «Atyraý – Astana» baǵyttaryndaǵy kýpe bıletiniń quny - 18 114 teńge, plaskart - 11 898 teńge.
