Foto: Qaraǵandy oblysy polısııa bólimshesinen
Sońǵy ýaqytta alaıaqtardyń qıturqy áreketteri jıilep, turǵyndardyń mazasyn aldy. Departament qyzmetkerleri belgisiz nómirden habarlasyp, ózderin polıseı retinde tanystyratyn adamdarǵa senbeý kerek ekenin eskertti.
«Jyl basynan beri Qaraǵandy oblysynda 75 adam alaıaqtyq shemalardyń qurbany boldy, bul rette 90 mıllıon teńgege jýyq shyǵyn keltirildi. Olar jábirlenýshilermen beınebaılanys ornatyp, ózderin bank qyzmetkerleri nemese quqyq qorǵaý qyzmetkerleri retinde tanystyrǵan», dep habarlady oblystyq Polısııa departamentiniń baspasóz qyzmeti.
Osy tusta quqyq qorǵaý qyzmetkerleri el azamattaryna WhatsApp arqyly, ásirese sheteldik abonenttik nómirlerden qońyraý shalmaıtyny qatań eskertildi.
Qyrmyzy JUMAǴALIQYZY,
EUÝ stýdenti
