Sý tasqynyn boljaıtyn júıe

Mınıstrliktiń málimetinshe, D.Serikbaev atyndaǵy Shyǵys Qazaqstan tehnıkalyq ýnıver­sı­tetiniń ǵalymdary jasaǵan aqparattyq-taldaý júıesi oblys ózenderindegi sý tasqyny jaǵdaıyn baqylaýǵa múmkindik beredi. Al atalǵan joǵary oqý ornyndaǵy «Aqparattyq tehno­logııalar salasyndaǵy quzy­ret­ter jáne tehnologııalar tran­s­ferti» ortalyǵynyń basshysy Rýslan Chettykbaev qolǵa alyn­ǵan joba týraly: «Bizdiń aldymyzda elimizdiń shyǵysyndaǵy maýsymdyq sý tasqynynan týyn­daǵan tótenshe jaǵdaılardy mo­nı­torıngileý men boljaýdyń keshen­di aqparattyq-taldamalyq júıesin, maýsymdyq sý tasqynyn boljaýǵa múmkindik beretin júıeni ázirleý mindeti turdy. Bizdiń ýnıversıtette osy jobamen jumys isteý úshin ózen gıdravlıkasy men sý basý aımaq­taryn modeldeýdi, zamanaýı geoaq­parattyq júıelerdi, qaýipti ny­san­dardy, ınfraqurylym nysandaryn, mekemelerdi, turǵyn úı qurylysyn, relefti jáne meteo jaǵdaılardy egjeı-tegjeı kartografııalyq baılanystyrýdy paıdalanǵan zertteýshiler toby quryldy», dedi.

Zertteýshiler toby osy jumysqa zamanaýı aqparattyq tehnologııalardy qoldanady. Ázirleýge ǵalymdardan basqa, Shyǵys Qazaqstan oblysy Tóten­she jaǵdaılar departa­men­tiniń ókilderi de qatysyp, júıeni jaq­sartý, onyń praktıkalyq ále­ýetin arttyrý boıynsha keńes pen usynys beredi. «D.Serikbaev atyn­daǵy Shyǵys Qazaqstan tehnıkalyq ýnıversıtetiniń ǵa­lymdarymen ózara is-qımyl týraly Memorandýmǵa qol qo­ıyldy. Bolashaqta sý tas­qy­ny jaǵdaıyn kózdeýge, bar táýe­kelderdi eskere otyryp, aldyn alý sharalaryn qabyldaýǵa múm­kindik beretin tehnologııany birlesip damytýǵa bel býyp otyrmyz», dedi Shyǵys Qazaqstan oblysy Tótenshe jaǵ­daılar departamentindegi Tóten­she jaǵdaıdyń aldyn alý bas­qarmasynyń basshysy Arman Naýryzbaev.

Júıeni ázirlep, jobany iske asyrǵannan keıin zertteýshiler óńir aýmaǵynda sý tasqynyn boljaý, qaýipsizdikti qamtamasyz etý boıynsha usynymdar ázir­le­mek. Bul birneshe máseleniń sheshimin tabýǵa múmkindik beredi. Birinshiden, ekonomıkalyq máseleni sheshýge septesedi. О́ıt­keni TJ boljaý, olardyń da­mýyn modeldeý fors-major­lyq jaǵdaıdyń óńirdiń ekono­mı­kalyq kórsetkishterine áserin azaıtýǵa nemese tolyǵymen joıýǵa jaǵdaı jasaıdy. Ekin­shi­den, ekologııalyq máseleni ret­teıdi. Baǵdarlamanyń alynǵan nátıjeleri sý tasqyny jaǵdaıyn boljaýǵa kómektesedi, osylaısha tótenshe jaǵdaı týyndaǵan jaǵ­daıda táýekelderdi azaıtady. Úshin­shiden, áleýmettik máseleniń sheshimi bola alady. Sebebi joba halyqtyń qaýipsizdigin arttyrýǵa, tótenshe jaǵdaı áserinen bolatyn zalaldy azaıtýǵa kómektesedi.