Bul jańalyqty Ulybrıtanııadaǵy Darem ýnıversıtetiniń ǵalymdary ashty. Mamandardyń boljamynsha, bul Antarktıda Gondvana sýperkontınentiniń quramynda bolǵan kezinde qalyptasqan. Gondvana ydyraǵannan keıin Antarktıda úshke bólindi. Olardyń árqaısysynyń arasynda tereń shuńǵymalar ornalasqan. Aýa raıy birden salqyndaǵanda, taýlardyń basyna qar tústi. Al erigen sýlar muhıtqa qaraı aǵyp, ózen arnasy paıda boldy. Mine, solar qanshama ǵasyrdan keıin muz qabatynan tabylyp otyr.
Eń uzyn dınozavr
Anglııada uzyndyǵy eki avtobýstan asatyn teńiz dınozavrynyń súıegi tabyldy.
Baýyrymen jorǵalaýshynyń qanshalyqty úlken ekenin ǵalymdar naqty aıta almaıdy. Biraq tumsyǵy men quıryǵyn qosqanda uzyndyǵy shamamen eki avtobýstyń uzyndyǵymen birdeı ekeni anyqtalǵan. Bul dınozavr 202 mıllıon jyl buryn mezozoı dáýiriniń trıas jáne ıýra kezeńderiniń shekarasynda ómir súrgen. Sarapshylar onyń jaqtarynyń uzyndyǵy 25 metrge deıin jetetin alyp ıhtıozavrǵa tıesili ekenin aıtady. Biraq Dorset jaǵalaýyndaǵy jartastan tabylǵan plezıozavrdan uzyn. Alaıda onyń ólshemin naqty anyqtaý úshin tolyq bas súıegi men qańqasyn tabý kerek.
Nanorobottyń kómegi
San-Dıego qalasynyń medısına mamandary nanorobottyń kómegimen adamnyń aýyrǵan jerine kerekti dárini dál jetkizý synaǵyn sátti jasady.
Bul ǵylymı-tájirıbelik zerthanasynda jasaldy. Ǵalymdar bulshyq ettiń aýyrǵan jerine nanorobottyń kómegimen dárini dál jetkizip, adamnyń basqa múshesine onyń keri áser etýine jol bermegen. Endi olar aldaǵy tańda nanorobottyń kómegimen túrli dertti emdeýge bolatynyn aıtady. Aldymen nanorobottar isik aýrýlaryn emdeýge qoldanylmaq.
