Qarabulaq aýyldyq okrýgine qarasty Aqaı Núsipbekov aýylyndaǵy egis alqabyna oblystyq aýmaqtyq ınspeksııasy basshysynyń orynbasary Darhan Káribaıuly, О́simdikterdi qorǵaý jáne karantın ǵylymı zertteý ınstıtýtynyń entomology Izbasar Isataıuly kelip, jaıylǵan qurttyń ekonomıkalyq zııandy shektik deńgeıden asatynyn aıtyp ótti.
Qurt qaptaǵan óńirge arnaıy kelgen Kegen aýdanynyń ákimi Nurbaqyt Moldahmetuly men jaýapty sala basshylary aýyl halqymen júzdesip, zııankesti joıýǵa qatysatyn azamattarǵa dári búrikkish qurylǵylar men arnaıy qorǵanysh kıimderdi tabystady.
Ýlaý sharasyna Qarabulaq, Jalaǵash aýyldyq okrýgteriniń ákimderi men 137 sharýa qojalyǵynyń ókilderi jıylyp, egis alqabyndaǵy qaptaǵan qurttyń kózin joıýǵa judyryqtaı jumyldy.
Alqapty jaılaǵan qurtty ýlaý jumysyna úsh traktor, bir shtangaly búrkkish agregat qatystyryldy, sondaı-aq turǵyndardyń qol qýsyryp qarap turmaı, dári búrikkish qurylǵylarmen de jabyla qımyldaýynyń nátıjesinde úsh kúnniń ishinde 7 gektar aımaqqa «BI-58» preparaty sebilgen.
