Is-shara eki eldiń birqatar bilim berý mekemeleri men uıymdary ókilderiniń basyn qosty. Bul ǵylym men bilim salasyndaǵy ózara túsinistik pen yntymaqtastyqty nyǵaıtýǵa baǵyttalǵan mańyzdy qadam. Semınarǵa SEPIE dırektory Alfonso Hentıl, «Bolashaq» HBO Basqarma tóraǵasynyń orynbasary Arman Ashkın jáne Abaı ýnıversıtetiniń basshylyǵy qatysty.
Qazaqstan men Ispanııa arasyndaǵy ǵylym jáne joǵary bilim salasyndaǵy yntymaqtastyqtyń negizgi aspektilerin talqylaýdy maqsat etken semınarda Abaı ýnıversıtetiniń akademııalyq qyzmet jónindegi prorektory Baný Narbekova elimizdegi joǵary bilim berý júıesi men ulttyq basymdyqtarǵa sholý jasap, eki el yntymaqtastyǵynyń mańyzdylyǵyn atap ótti.
SEPIA dırektory Alfonso Hentıl óz kezeginde joǵary bilim berý konteksti men Ispanııanyń basymdyqtary týraly egjeı-tegjeıli aıtyp berdi. Semınar eki memlekettiń bilim berý júıeleriniń erekshelikterin jaqsy túsinýge múmkindik bergen jıyn boldy. Osy oraıda qatysýshylar eki el arasynda tájirıbe men bilim almasýdyń biregeı múmkindikterin ashatynyn atap ótti. Mundaı kezdesýler ózara tıimdi yntymaqtastyqty nyǵaıtyp qana qoımaı, ınnovasııalyq zertteýlerdi yntalandyrý jáne akademııalyq baılanystardy keńeıtý arqyly joǵary bilim men ǵylymnyń damýyna yqpal etedi.
Semınar nátıjesinde «Bolashaq» ortalyǵy men SEPIE arasynda yntymaqtastyq týraly memorandýmǵa qol qoıyldy. Bul qadam Qazaqstan men Ispanııa arasyndaǵy bilim men tájirıbe almasýǵa jáne bilim salasyndaǵy sapaly ózgeristerge yqpal etedi. Eki el arasyndaǵy yntymaqtastyq stýdentterge, ǵalymdar men zertteýshilerge jobalar men bastamalardy birlesip júzege asyrý úshin jańa múmkindikterge jol ashyp, eki eldiń dostyq qarym-qatynasyn jáne bilim berýdi damytýdy nyǵaıtady.
