Jol-kólik oqıǵasy Jetisý aýdanynda bolǵan. Atalǵan jaǵdaıǵa Almaty qalasynyń polısııa departamentiniń baspasóz qyzmeti túsinikteme berdi.
«Patrýldik polısııa ekıpajy shuǵyl shaqyrýǵa bara jatqanda, belgilengen erejelerge sáıkes qatań túrde burylý manevrin jasady, aldyn ala jarqyraǵan maıaktardy qosty. Jol qozǵalysyna qatysýshylar polısııa kóligine toqtap, jol berdi. Alaıda sol ýaqytta qoǵamdyq kólikke arnalǵan jolaqpen júrgen moped júrgizýshisi zań talaptaryn elemeı, patrýldik mashınamen soqtyǵysty. Ol medısınalyq kómekten bas tartty. JKO faktisi tirkeldi. «Chevrolet» patrýldik kóliginiń júrgizýshisi jaýapkershilikke tartyldy. О́ndiris materıaldary sotqa jiberiledi», delingen qalalyq Polısııa departamenti taratqan habarlamada.
