Kóp jaǵdaıda ata-analar memlekettik grant jeńe almaǵan balasyn oqytý úshin qarajat tappaı qınalyp jatady. Ondaıda bireýden qaryz surap nemese bankten paıyzy joǵary nesıe resimdeýge májbúr bolady. Osyndaı tyǵyryqtan shyǵarar joldy «Otbasy bank» usynyp otyr. Banktiń «AQYL» depozıtine kópshilik erekshe qyzyǵýshylyq tanyta bastady. О́ıtkeni jańa depozıttiń tıimdiligi orasan. Bala kámeletke tolǵannan keıin onyń aqshasyn bilim alý maqsatynda jumsaýǵa múmkindik bar. Eger bala oqýǵa tegin tússe, onda qarajatty sheship alyp, basqa qajetine jaratady.
Bul aqjoltaı jańalyqty estigen Taraz qalasynyń turǵyny Aıken Esimova óziniń 4 balasy men qolynda tárbıelenip otyrǵan baýyrynyń 4 balasyna «AQYL» depozıtin ashýdy jón sanapty. Ony bul iske balalarynyń bolashaǵyn osy bastan kúıttep júrgen ózge otbasynyń qarjy jınaý tájirıbesi yntalandyrǵan eken.
«Bul sheshim otbasylyq keńeste talqylanyp, sheshilgen másele. Sebebi bala men aqsha teorııasy – qoǵamda ıgerilmegen keńistik. Jeke bank shotynda qarjy jınalyp jatqanyn bilip ósken balanyń ony tıimdi basqarý týraly paıymy da ózimen birge ózgeredi, jetiledi. Jaqynda 6 jastaǵy balasynyń atyna 10 mln teńge jınaǵan ata-ananyń tájirıbesi týraly qyzyq aqparat oqydym. Menińshe, bul jaqsy úrdis ári úlgi bolýǵa tıis. Jınaqtalǵan qarjynyń arqasynda mektepti nemese joǵary oqý ornyn bitirgen kezde balanyń oqý aqysyn tóleýine ne páter satyp alýyna múmkindigi bolady», deıdi A. Esimova.
AQSh-ta avtokólikterdi jalǵa beretin kompanııanyń negizin qalaǵan Teılor Baıron Trot balalar býhgalterııasyn bala kúninen bastaý qajettiligin ǵylymı negizdep bergen. Keıin muny kásipke aınaldyryp, balalardyń qalta shyǵyny týraly kitap ta jazǵan. Trottyń aıtýynsha, ata-analardyń basty kemshiligi – balalarymen tabysy jóninde ashyq áńgimelespeýinde. Onyń paıymdaýynsha, «balaǵa aqsha sanaýdy ómirdiń ózi úıretedi» degen pikir durys emes. Bireýge senip, bireýge arqa súıep qalǵan adam eshqashan damymaıdy. Sondyqtan bala jastan qarjylyq saýatyn qalyptastyrýymyz kerek. Eki aradaǵy baılanystyń erte bastalǵany qos tarapqa da tıimdi eken.
«Joldasymmen aqyldasyp, otbasylyq bıýdjetten artylǵan azyn-aýlaq qarjyny balaǵa bólip, depozıt ashýǵa sheshim qabyldadyq. Balanyń aqshaǵa qyzyǵýshylyǵy ǵana emes, satyp alýǵa bolatyn, bolmaıtyn zattarǵa kózqarasy da osy jastan jetiledi eken. «Otbasy banktiń» sharttary kóńilimizden shyqty. Bank menedjeri Aqbota Búrkitbaevamen aqyldasqannan keıin kóńilde kúmán qalmady. Ýaqyt óte qarjyny kóbirek salamyz dep úmittenemin. Qarjy erteńgi kúni balalarymyzdyń bir qajettiligin óteıdi dep senemin. Eń bastysy, balalar óziniń atyna depozıt ashylǵanyn biledi. Balalarym áli kishkentaı demeımin. Banktik shottaǵy qarjysynyń paıyzdyq mólsheri, basqasha aıtqanda, aqshasynyń qansha aqsha taýyp otyrǵanyn aıtyp beremin. Balany qarjylyq saýattylyqqa jeteleıtin áńgime osyndaı naqty áreketterden bastalýǵa tıis. Buryn aqshamnyń ústindegi tabysty ózime ber deıtin balam sońǵy kezderi «jınalyp tura bersin» degendi aıtatyn boldy», deıdi Aıken Esimova.
Bank qyzmetkeri Aqbota Búrkitbaevanyń aıtýynsha, qazir balalarynyń atyna depozıt ashý – bank segmentinde qalyptasyp kele jatqan jańasha úrdis.
«Kámelettik jasqa jetkenshe jıǵan qarjy ınflıasııaǵa jutylyp ketedi» degen kúdik seıilgen. Salymshylar depozıttiń paıyzy jyldyq ınflıasııa deńgeıinen joǵary turatynyn jaqsy biledi. «AQYL» bilim berý jınaqtaý depozıti keminde 3 jyl nemese 5 jyl merzimge ashylýy múmkin. Eger depozıt keminde 3 jyl merzimge ashylǵan bolsa, onda depozıt mólsherlemesi jyldyq 12%-dy quraıdy (JTSM 12,9%-dan bastap 13,1%-ǵa deıin). Eger depozıt 5 jyldan kem emes merzimge ashylǵan bolsa, onda mólsherlemesi 9,5%-dy quraıdy (JTSM 9,5%-dan bastap 10,1%-ǵa deıin). Banktiń eseptelgen syıaqysy aı saıyn kapıtaldandyrylady. Salym merzimi aıaqtalǵannan keıin ol avtomatty túrde jańartylady. Eger bala grant alsa, onda «AQYL» depozıtindegi jınaq aqsha keıinnen alynyp, kez kelgen maqsatqa, sonyń ishinde turǵyn úı satyp alýǵa jumsalýy múmkin», deıdi bank qyzmetkeri.
Sondaı-aq memleket jyl saıynǵy syıaqy taǵaıyndaý arqyly balalardyń bilim alýy úshin únemdeýge kómektesedi. Salymshylardyń barlyq sanaty úshin ol 5%-dy quraıdy. Al jetim balalarǵa, ata-anasynyń qamqorlyǵynsyz qalǵan balalarǵa, múgedek balalarǵa, kópbalaly jáne jan basyna shaqqandaǵy ortasha tabysy azyq-túlik sebetinen tómen otbasylardan shyqqan balalarǵa ashylǵan depozıtter boıynsha 7 paıyz kóleminde memlekettik syılyqaqy alynady. Ol 1 jyl eń az jınaqtaý merzimimen esepteledi, ıaǵnı memleket syılyqaqysy eseptelýi úshin salymnyń depozıttegi merzimi bir jyldan kem bolmaýy kerek.
Depozıt ashý kezinde mindetti bastapqy jarna mólsheri 3 aılyq eseptik kórsetkish (AEK) nemese 2024 jylǵa eseptegende 11 076 teńgeni quraıdy. Bolashaqta aı saıynǵy salymdy tolyqtyrý somasyn salymshy derbes anyqtaıdy.
«AQYL» depozıtiniń maqsaty – balalaryńyzǵa da, ózińizge de oqýǵa qarajat jınaý. Onyń kómegimen otandyq nemese sheteldik bilim berý uıymdarynda oqý aqysyn tóleýge bolady. «AQYL» depozıtin «Baspana market» portalynda (otbasybank.kz), bank bólimshesinde, keńesshilerdiń kómegimen nemese banktiń hcsbk.kz saıtyna kirip, beıneqońyraý arqyly ashýǵa bolady. «AQYL» bilim berý depozıtin ashý úshin bar-joǵy eki-aq qujat qajet:
- Ata-analarynyń biriniń jeke kýáligi;
- Balanyń týý týraly kýáligi jáne JSN.
Sondaı-aq «AQYL» depozıti «Otbasy banktiń» jańa mobıldi qosymshasynda da qoljetimdi. Ol úshin App Store/Play Market dúkeninen «Otbasy bank lite» mobıldi qosymshasyn júktep alý qajet.
«AQYL» bilim berý jınaqtaý salymy memleket pen úshinshi tulǵalar tarapynan ósimpuldardan qorǵalǵan, sonymen qatar ol Qazaqstannyń depozıtterge kepildik berý qory arqyly saqtandyrylǵan. Aıta keterlik jaıt, Ulttyq qordan alynǵan jınaq aqshamen «Otbasy bankindegi» «AQYL» depozıtin toltyrýǵa bolady. Bıyl 18 jasqa tolǵan azamattar bul tólemderdi basqara alady. Ony «Ulttyq qor – balalarǵa» jobasy aıasynda enpf-otbasy.kz platformasy arqyly iske asyrýǵa múmkindik bar.
2 aıdan astam ýaqyt aralyǵynda «Otbasy bankinde» «AQYL» depozıti boıynsha jalpy kólemi 240 mln teńgege 12 700-den astam depozıt ashyldy.
