Sý salasy mamandary daıarlanady

Mınıstrliktiń máli­me­tine súıensek, Qazaqstanda sý salasy mamandaryn daıarlaý jeli­sin keńeıtý josparlanyp jatyr. Búgingi tańda bul baǵytta eli­­mizdiń tórt makroóńiri tań­daldy. Onda ekonomıka salalary bo­ıynsha, onyń ishinde sý salasynyń bolashaq mamandaryn daıarlaıtyn tirek kolledjder qurylady.

2024-2025 jyldary «Sý­men jabdyqtaý jáne sý burý júıe­le­riniń tazartý qury­lys­taryn paıdalaný», «Gıdro­teh­nı­kalyq melıorasııa» jáne «Gıdro­tehnıkalyq qurylys» jáne t. b. mamandyqtar boıynsha tehnıka­lyq jáne kásiptik bilim berýde memlekettik bilim berý tapsyrysyn ulǵaıtý josparlanyp otyr.

Tehnıkalyq jáne kásiptik bilim departamentiniń dırektory Áset Muhanbetov osy máselege qatysty jasaǵan málimdemesinde: «Ońtústik makroóńirdegi tehnıkalyq jáne kásiptik bilim berýdiń bas tirek uıymy retinde Shymkent qalasyndaǵy Manap О́tebaev atyndaǵy jańa tehnologııalar joǵary kolledji tańdaldy. Munda «Sýmen jabdyqtaý jáne sý burý júıeleriniń tazar­tý qurylystaryn paıdalaný» ma­mandyǵy boıynsha kadr­lar daıar­lanady. Stýdentterge ón­di­ristik praktıkadan ótý múm­kindigi beriledi, al arnaıy pán­der pedagogteri men óndi­ris­­tik oqytý sheberleri úshin bilik­­tilikti arttyrý kýrstaryn ótkizý josparlanǵan. Sondaı-aq óndiristen mamandar tartýdy jos­parlap otyrmyz», dedi.

Qazir negizinen elimizdegi bes kolledj sý salasynyń mamandaryn daıarlaıdy. I.Ábdikárimov atyndaǵy Qyzylorda agrarlyq-tehnıkalyq joǵary kolledji, Maqtaaral agrarlyq kolledji, Túlk­i­bas agrobıznes jáne ­tý­rızm kolledji, Úshqońyr sý sharýashylyǵy kolledji jáne Manap О́tebaev atyndaǵy j­a­ńa tehnologııalar joǵary kol­ledjinde gıdrogeologııa sala­sy­nyń 300-ge jýyq bolashaq mamany oqıdy jáne olardyń 90%-y memlekettik bilim berý tapsyrysy boıynsha bilim ­alady.