Shalǵaıdaǵy aýylǵa júz turǵyn úı salynady

Atalǵan baǵyttaǵy aýqymdy ju­mys­tar­dyń barysyn kópshilikke qu­laǵ­­dar etý maq­satyndaǵy is-sharalar da bel­sendi júrip jatyr. Búginde ob­lys­­tyń alty aýdanynda 971 tur­ǵyn úı teh­­nıkalyq tekserýden ótip, 356 úı turýǵa jaramsyz dep tanylǵan. 615 úı­diń jóndeýge keletini anyqtalyp otyr.

Arnaıy komıssııa mamandary Qos­tanaı qalasynyń irgesindegi saıajaı bir­lestikterin de aralap, onda turyp jatqan 97 otbasynyń úı-jaıyn tehnı­ka­lyq tekseristen ótkizip jatyr.

26 sáýirde Qostanaı qalasy ákiminiń mindetin atqarýshy Almat Ismaǵulov qala shetindegi saıda ornalasqan «Ko­les­nye rıa­dy» shaǵyn aýdanynyń tur­ǵyn­darymen kezdesip, tabıǵı apattan kelgen shyǵyndy óteý tetikteri men arnaıy baǵalaý komıssııalarynyń jumys tár­tibin túsindirdi. Tasqyn sýdan kelgen materıaldyq shyǵyndy baǵalaý jáne óteý jónindegi komıssııa oblys orta­lyǵynda 8 sáýirden beri kún saıyn jumys istep jatqanyn aıta ketý kerek.

Arnaıy komıssııanyń má­li­me­tinshe, qala ákimdigi bú­gin­ge deıin qala shetindegi ne­mese saıajaı aýma­ǵyndaǵy jalǵyz bas­panasyn sý basqan 210 otbasynan ótinim qa­byldap alǵan.

Al Qostanaı aýdanynda sý kirgen 97 úıdiń 55-i tekserilgen. Qazir turǵyn úılerdiń jóndeýge keletin-kelmeıtini anyqtalyp, baǵalaý jumystary júrip jatyr. О́ńirde 14 sáýirden beri belsendi jumys júrgizip jatqan qoǵamdyq shtab ókilderi de tasqyn sýdyń zardabyn tartyp otyrǵan eldi mekenderdi aralap, halyqtyń turmysymen tany­syp, óńirde qolǵa alynyp jatqan ońal­tý sharalarynyń tártibi men retin túsindirip júr.

«Qoǵamdyq shtab sý tasqyny bolǵan Qostanaı, Arqalyq qalalarynda, Qostanaı, Aman­geldi, Jangeldın aýdandarynda belsendi jumys istedi. Shtab quramynda máslıhat depýtattary, jas­tar, qoǵam bel­sen­dileri, jergilikti kásip­kerler, zańgerler, din qyz­met­ker­leri, quqyq jáne qarjy salasynyń mamandary bar. Maqsat – tabıǵı apattyń zardabyn joıý, eldiń qalypty tirshiligine oralýyna kómektesý jumystarynyń barysy jóninen halyqty habardar etý. Búginge deıin shamamen 132 eldi mekende kezdesý uıymdastyryldy. Shamamen 1 600 adammen kezdestik», deıdi oblystyq qoǵamdyq shtabtyń tóraǵasy Batyrbek Ahmetov.

Onyń aıtýynsha, halyqpen kezdesý barysynda qoǵamdyq shtab ókil­deri turǵyndardy kóbirek mazalaıtyn kókeıkesti máselelerdiń tizimin jasaǵan. Apat zardabyn tartyp otyrǵan turǵyndar úı-jaıyn qalpyna keltirýge bólinetin qarjynyń retin, joǵalǵan qujattaryn resimdeý jaıyn, gaz, jaryq, uıaly baılanyspen qamtamasyz etý má­selesin, mal shyǵynyn óteý, jol jón­deý jaıyn kóbi­rek qozǵaǵan. Shtab ókilderi turǵyndardyń saýalyna or­nyq­ty jaýap berilip, qajet bolǵan jaǵ­daıda quqyqtyq keńes berý, túsindirý jumystary júrgizilip jatqanyn aıtady.

Qostanaı oblysy