Irgetasy osydan 93 jyl buryn qalanǵan Almaty qalasyndaǵy atalǵan oqý ornynyń Táýelsizdik jyldary M.Tynyshbaev esimimen ataý teginnen-tegin emes. О́ıtkeni elimizge belgili Almaty temirjol ınjenerleri ınstıtýty talaı jyl úzilissiz osy salada bilikti maman daıarlap keldi. Al Muhametjan Tynyshbaev – qazaqtan shyqqan tuńǵysh temirjol qatynastarynyń ınjeneri, Alashtyń tanymal tulǵasy. Sondaı-aq ol – 1917 jyly qurylǵan Túrkistan avtonomııasynyń tuńǵysh premer-mınıstri. M.Tynyshbaev – Túrkistan – Sibir magıstral jobasyn jasap, júzege asyrǵan ınjener.
Ǵylym jáne joǵary bilim mınıstrligi men osy oqý ornynyń resmı málimetinde M.Tynyshbaev esimi ýnıversıtetke 2000 jyly 23 mamyrda berilip, belgisiz sebeppen 2021 jyly ózgergeni (alynyp tastalǵany) jazylǵan. Aıtqandaıyn, «Egemen Qazaqstan» gazeti 2024 jyly 10 sáýirde «Turar Rysqulovtyń esimin ýnıversıtetke qaıtarý – kóptiń qalaýy» atty kókeıkesti maqala jarııalap, «Narhozdaǵy» onomastıkalyq júıesizdikti synaǵan edi. Qaıratker M.Tynyshbaev esiminiń qaıta jańǵyrýy – atalǵan oqý orny men sala basshylyǵyna oı salady dep úmittenemiz.
Temirjol salasy mamandary men osy kásipti meńgerip jatqan jastardy qýanyshty jańalyqpen quttyqtaı otyryp, elimizdiń onomastıka zańdylyqtarynda ult tulǵalarynyń esimi qundylyq retinde bekitilýi qajettigin usynamyz.
