Foto: Polisia.kz
Rolisia.kz málimetinshe, aımaqtyq tizimderge terrorıstik turǵydan osal sanatqa 17 myńnan astam nysan engizildi. Jyl bastalǵaly beri 1 804 nysan tekserildi. Onyń ishinde oıyn-saýyq ortalyqtary, iri saýda jáne qoǵamdyq tamaqtaný oryndary, bilim berý uıymdary bar. Tekserý nátıjesinde zańnamada belgilengen qaýipsizdik talaptaryn buzýdyń 581 deregi anyqtaldy.
Kemshilikter alǵash ret anyqtalǵan obektilerdiń basshylaryna jáne menshik ıelerine naqty ýaqyttyń kórsetilýimen olardy joıý týraly nusqamalar berildi.
Sonymen qatar senip tapsyrylǵan obektiniń terrorızmge qarsy qorǵalýyn qamtamasyz etý jónindegi talaptardy birneshe ret buzǵandarǵa ÁQBtK-niń 149-baby boıynsha 180 ákimshilik materıal toltyrylǵan, 48 mln teńge kóleminde aıyppul salynǵan.
«Tekserýler kemshilikterdi anyqtaýmen ǵana shektelmeıdi. Polısııa qyzmetkerleri mekeme personalynyń, sondaı-aq kúzet qyzmetiniń tótenshe jaǵdaılardaǵy is-qımyldary týraly daǵdylarynyń deńgeıin anyqtap, olarǵa sabaq ótkizedi. Mundaı túsindirý jumystarymen 40 myńǵa jýyq qyzmetker qamtyldy», dedi vedomstvo ókilderi.
