Kitapta 1905 jylǵy Orys-japon soǵysy órship turǵan kezeń beınelenedi. Sol kezdegi qazaq dalasynda ornalasqan kenishterdiń birin satyp alǵan brıtan taý-ken ınjeneri, «Spassk mys kenderi» kásipornynyń basqarýshysy Nelson Felldiń dala ólkesinde ótken jyldary baıandalady. Estelikter qarapaıym baıandaý tilimen jazylǵan. Dala halqynyń erekshe bolmysy, tabıǵatpen úılesimde ómir súrýi, rııasyz peıili, dástúrdi saqtaýy Batys órkenıetiniń ókiline erekshe tartymdy kóringen, qyzyqty áńgimelerine arqaý bolǵan. Avtordyń kórgen-bilgenderin sol kezdegi kóshpelilerdiń turmysyn egjeı-tegjeı tanytatyn etnojazba deýge bolatyndaı.
– Kitap úlken qyzyǵýshylyq týdyrady. О́ıtkeni qazaqtardyń etnografııasyn zertteýshi nemese saıahatshy emes, menedjer oıy bar adam jazǵanyn óte sırek kezdestiremiz. Eger natýralıstiń qazaq dalasyna sapary týraly jazbalarynda tabıǵattyń kórkem sıpattamasyn, qustardyń túrlerin, kıiz úıdiń qurylysyn jıi kezdestirsek, onda Fell óziniń mys balqytý zaýytynyń orys jáne qazaq jumysshylarymen praktıkalyq mindetterdi qalaı sheshetinine, jergilikti jerden qarajatty qalaı tabatynyna nemese shahtalardy qalaı satyp tabatynyna nazar aýdartqan. Bul sol kezdegi aýqatty qazaqtar arasyndaǵy ahýal men etıket normalaryn jaqsy túsinýge múmkindik beredi, – deıdi eńbekti aýdarýǵa atsalysqan «AmalBooks» baspasynyń basshysy Baqytjan Buharbaı.
Eń qyzyǵy, Nelson Fell alǵash ret 1902 jyly qazaq dalasyna at basyn tirep, 1909 jylǵa deıin laıyqty baılyq jınaı alǵan. Keıbir derekkózderge sáıkes, aıyna 640 myń dollar paıda tapqan.
