«Jasyl el» jastar eńbek jasaǵynyń músheleri «Týǵan qalańa aǵash syıla!» aksııasy aıasynda «Trıatlon» saıabaǵynda 60 jas terek otyrǵyzsa, «Anaǵa taǵzym» ortalyǵynyń aınalasyna qurylys kompanııalary 25 shyrsha, Altyn orda shaǵyn aýdanyndaǵy Mustafa Shoqaı jáne Halel Dosmuhamedov atyndaǵy kóshelerdiń boıyna oblystyq basqarmalar men qalalyq bólimderdiń qyzmetkerleri 650 tut aǵashyn otyrǵyzdy.
Senbilik jeksenbide de jalǵasyp, oblystyq sottyń sýdıalary men departament qyzmetkerleri ǵımarat janyndaǵy gúlbaqtardy qoqystan tazartyp, aryq-atyzdardy retke keltirdi. Bul kúnderi aýdan turǵyndary da kógaldandyrý jumystaryna erekshe yntamen kiristi. Máselen, Shalqar aýdanynyń ortalyǵynda 20 gektar aýmaqqa aǵash kóshetteri otyrǵyzylyp, Ekinshi dúnıejúzilik soǵystyń maıdangeri I.Úrgenishbaev eskertkishiniń aınalasy abattandyryldy. Qobda aýdandyq ardagerler keńesiniń músheleri aǵash otyrǵyzý aksııasynda jastarǵa úlgi boldy. Aqtóbelik dárigerler men kishi medısına qyzmetkerleri aýrýhanalar men emdeý mekemeleriniń aýlasyna 1 500 kóshet otyrǵyzdy. Jalpy, sáýirdiń sońǵy onkúndiginen beri Aqtóbe qalasyndaǵy kópirler, belgiler, qorshaýlar, aıaldamalar, eskertkishter shań-qoqystan tazartylyp, jýyldy.
Aqtóbe oblysy
