Foto: Atyraý oblysynyń jedel shtaby
«Qazgıdromet» RMK Atyraý oblystyq fılılalynyń gıdrologııalyq monıtorıng deregine qaraǵanda, Jaıyq ózenindegi sý deńgeıi kún saıyn kóterilip jatyr.
Máselen, Inder aýdanynda keshe, 2 mamyrda tańerteńgi saǵat 08:00-de ózen arnasynyń sýy 750 santımetrge jetken edi. Al búgin, 3 mamyrda 788 santımetrge jetti. Osylaısha, bir táýlikte Jaıyq ózeni +38 santımetrge kóterilgen.
Al Mahambet aýdanynda keshe tańerteń Jaıyqtyń sýy 795 santımetr deńgeıinde bolatyn. Biraq keshe keshki 20:00-de 8 metrden asyp ketti. Bir táýliktiń ishinde bul aýdandaǵy sýdyń kóterilý kórsetkishi +17 santımetr quraǵan. Búgin, 3 mamyrda sý deńgeıi 812 santımetrge jetti.
Atyraý qalasynda da Jaıyq ózeniniń sýy kóterilip tur. Keshe tańerteńnen beri sý aıdyny +12 santımetrge ulǵaıdy. Qazir munaıly shahardaǵy ózen arnasynyń deńgeıi 471 santımetrdi qurady.
