Alaqaı, jazǵy demalys!

О́tken aptada Oqý-aǵar­tý mınıstrliginiń ap­parattyq keńesinde óńirlik bilim bas­qar­malary, vedomstvolyq baǵy­nysty uıym­dar jáne ádis­temelik kabı­net bas­shylarynyń qaty­sýy­men «Jaz-2024» balalar­dyń sa­ýyq­tyrý demalysyn, bos ýaqy­tyn­ jáne jumyspen qam­ty­lýyn uıym­dastyrý máseleleri tal­qy­­landy.

Apparat jınalysynda­ Oqý-aǵartý mınıstri Ǵanı Beı­sem­baev máselege qatysty: «Oqý­shy­lar­dyń jazǵy demalysyn uıym­das­tyrý – mańyzdy is-shara­lar­dyń biri. Balalar­dyń qaýip­siz­digin basty nazarǵa ala otyryp, jazǵy demalysty ótkizý máde­nıetin qalyptastyrý qajet. Bul baǵytta qajetti ádis­te­me­ler ázirlenip jatyr, osy bo­ıynsha ata-analarǵa jan-jaq­ty túsindirý jumystary júr­gizilýi kerek. Sondyqtan árip­tester balalardy qorǵaý shara­laryn qatań baqylaýǵa alyp, jumysty kúsheıtýge tıis. Jaýap­ty mamandarǵa tıisti ádis­temelik quraldar men algorıtmder joldandy», ­dedi. Mınıstrdiń aıtýynsha, Tárbıe ju­mysy jáne qosymsha bilim berý ortalyǵy departamenti Bilim basqarmalarymen birlesip oqý­shylardyń jazǵy demalysyn ótkizý boıynsha jergi­likti shtab­­ta demalys ornyndary­nyń daıyn­­dyǵyn pysyqtaýǵa mindet­ti.

«Ekinshiden, oqýshylardyń demalysy sapaly jáne qaýipsiz jaǵdaıda, joǵary deńgeıde uıymdastyrylýǵa tıis. Jazǵy demalys kezinde eńbekpen qam­tylatyn balalarǵa arnalǵan ádistemelik nusqaýlyqtar bas­shy­lyqqa alynsyn. Eńbek etýge yntaly oqýshylardyń bazasy ázirlensin. «Jazdyq joldama» aýyl balalaryna arnalǵan joba aıasynda demalatyn 20 myń bala­nyń saýyqty­rý kes­te­leri pysyq­talsyn. Al bala­­lardyń jazǵy demaly­syn uıymdastyrýda bilim bas­qar­malarynyń basshylaryna jeke jaýapkershilik júkteımin», dedi mınıstr Ǵ.Beı­sembaev.

Oqý-aǵartý mınıstrliginiń málimetine súıensek, bıyl jazda­ barlyǵy 3,1 mln balany,­ ıaǵnı oqý­­­­­shylardyń 88,2%-yn­ dema­­­lys­pen qamtý josparlanyp otyr. Tár­bıe jumysy jáne qosymsha bilim berý departamentiniń dırektory Merýert Medetbekova: «Búgingi tańda 11 myńnan asa lager balalardy qabyldaýǵa ázir tur. Balalar men olardyń ata-analary úshin qoljetimdi saýyqtyrý baǵdarlamalary, ornalasý sharttary men qaýip­sizdik ere­jeleri týraly paıdaly aqpa­­rat qamtylǵan «Balalarǵa bazar­lyq» jáne «Qaýipsiz jaz» aqpa­rattyq paketi daıyndaldy. Sony­men qatar óńir­­lerde jańa­dan 5 saýyqtyrý ortalyǵyn ashý ju­mys­tary júrgizilip jatyr. Jal­py, 2026 jylǵa deıin 50 jańa orta­lyq paıdalanýǵa beriledi», dedi.

Atalǵan mınıstrlik Ishki ister mınıstrligi, Densaýlyq saqtaý mınıstrligi, Tótenshe jaǵdaılar mınıstrligi, Máde­nıet jáne aqparat mınıstrligi, Týrızm jáne sport mınıstrligi, Ǵylym jáne joǵary bilim mı­nıstrligi, Eńbek jáne halyqty áleýmettik qorǵaý mınıstrligi, Ekologııa jáne tabıǵı resýrstar mınıstrligimen birlesip zańnamalyq normalardy, baǵ­darlamalardy, sondaı-aq mo­nıtorıng pen baqylaýdy qam­tıtyn is-sharalar josparyn qabyldady. Osyǵan qosa bıyl birinshi ret lagerler úshin biryńǵaı talaptar ázirlendi, qosymsha bilim berý salasyndaǵy eriktiler men pedagogter ju­mysqa tartyldy, lagerlerdi qa­byldaý men nusqama ótkizýdiń res­pýblıkalyq monıtorıngi qu­ryldy. Sondaı-aq ýákiletti mem­lekettik organdary bekit­ken balalardy saýyqtyrý orta­lyq­tarynyń tizilimi joldandy.