“Sálem, papa” jobasyna qatysqan óner ıesi bala kúninde áke-sheshesiniń kim ekenin bilmegenin de jasyrmady.
- 1976 jyly týǵanmyn. Balalyq shaǵym Jambyl oblysynyń Talas aýdanynda ótti. Ol kezde zaman sondaı ma, ata-ájeniń balasy boldyq. Áke-sheshem maǵan aǵa-ápke sııaqty edi. Olar qalada turdy. Men ata-ájemmen aýylda turdym. Áke-sheshemniń solar ekenin estigende qatty tańǵaldym. Oǵan deıin meni ájem týǵan dep oılap júrippin. Mektepke baratyn kezde ákemniń atamnan jalynyp surap alǵany esimde. “Qalanyń ómirin kórsin, mektepke barady” degesin atam ruqsatyn berdi. Eki ákeniń tárbıesin kórdim dep aıta alamyn. О́nerdegi ákem – Altynbek Qorazbaev. Ol kisi de ákemdeı qamqorlyq jasady, – dedi ánshi.
Sondaı-aq óner ıesi balanyń ómirinde ákeniń alatyn ornyn aıtyp, bala tárbıesi týraly da oıyn bólisti.
- Ákemniń minezi aqkóńil, ázilge jaqyn. Ortasyn jadyratyp, kúldirip otyratyn. Sheshem –salmaqty, kóp sóılemeıtin adam. Men ekeýiniń de qasıetin teńdeı boıyma sińirgenmin. Salmaqtylyǵym da, ázil aıtyp kúldirip otyratynym da bar. Balaǵa ákeniń ósıeti men bergen tálimi óte mańyzdy. Qazaq ákeni asqar taýǵa teńeıdi. Búginde balalaryma jaqsy áke bolýǵa tyrysamyn. Men bala kúnimde “Boztorǵaı” degen ándi aıtqanmyn. Jetim balanyń zary men muńyn sýretteıdi. Sol kezde Altynbek kókem jetimder úıine alyp barǵan. Ándi túsinip aıtsyn degen nıeti bolýy kerek. “Myna balalardyń ákesi de, sheshesi de joq” degende ómirde áke-sheshesi joq balalar da bolady eken ǵoı dep qatty tańǵalǵanym bar, – dep jan syryn aqtardy estrada juldyzy.
