О́ńirde sý tasqynynan zardap shekkenderge jan-jaqty kómek berilip jatyr. 1 966 turǵynǵa jergilikti bıýdjet esebinen 638 mln 862 myń teńge áleýmettik tólem aýdaryldy. Oblys ortalyǵynda úıleri sýǵa ketken 900 adam jeti jataqhanaǵa ornalastyryldy. Sý tasqyny saldaryn joıý boıynsha qurylǵan óńirlik komıssııa qaraýyna túsken 3 227 ótinimniń 2 953-i qabyldandy. Taratyp aıtqanda, Aqtóbe qalasynan – 1 151 ótinim, Oıyl aýdanynan – 350, Qobdadan 200 ótinish tirkelgen. О́kinishtisi, úıleri sýǵa ketpegen, dúnıesi búlinbegen turǵyndar da ótemaqy alýǵa qulyqty eken. Sáýirdegi sý tasqynynan Aqtóbe oblysynda 2 451 úı zardap shekse, onyń 1 112-si jeke turǵyn úı, 1 339 saıajaı úıleri. Jaqsy jańalyq, turýǵa múldem jaramsyz, qırap qalǵan 595 úı qaıta salynatyn boldy.
Tasqyn kúnderi oblysta 3 232 bas mal ólgen. Qazirgi kezde olardyń dalada, qorada qalǵan ólekseleri joıyldy. Aýyl sharýashylyǵy jáne jer qatynastary basqarmasynyń málimetine qaraǵanda, búginde 1 202 bas malǵa 215,7 mln teńge ótemaqy tólendi. Sharýa ıeleri maldarynyń sý tasqyny kezinde qyrylǵanyn dádeldeý úshin óleksesin kórsetýi kerek. Buǵan qosa maldyń syrǵasy bolýy jáne aýyl sharýashylyǵy bazasynda tirkelýi óte mańyzdy. Onsyz ótemaqy berilmeıdi.
Aqtóbe oblysy
