Elordalyq mektep batyr esimin ıelendi

Kúlli álem kóz tikken adamzat tarı­hyn­daǵy alapat soǵystyń núktesin qoıǵan qazaqtyń batyr uly Raqymjan Qoshqarbaev edi. Onyń erligi týraly alǵash jazýshy Kákim­jan Qazybaev jazdy. Reıhstagta Jeńis týyn jelbiretken Raqymjan Qoshqarbaevqa Baýyrjan Momyshulynyń uıytqy bolýymen Keńes Odaǵynyń Batyry ataǵyn berý týraly usynys Ortalyq komıtetke, Máskeýge deıin suraý salynady. Keıbir derekterge qaraǵanda, 1945 jylǵy 5 mamyrda Raqymjan Qoshqarbaevqa Keńes Odaǵynyń Batyry ataǵyn berý týraly usynys qoz­­ǵal­ǵanymen, oǵan Máskeý yqylas bil­dir­medi. Zertteýshilerdiń aıtýynsha, onyń bir sebebin Raqymjannyń ákesi Qosh­qarbaıdyń 1937 jyly qýǵynǵa ushy­rap, «halyq jaýy» atanýymen baıla­nystyrady. Sóıtip, bul iske Qazaq KSR Joǵarǵy Keńesi Prezıdıýmynyń tóraǵasy Jumabek Táshenov aralasyp, Raqymjannyń kezinde batyrlyqqa usynylǵan muraǵat qujattaryn kóter­tip, marshal I.Konevqa jetkizedi. Biraq onyń sońy daýǵa ulasyp, tórelik aıtady degen K.Voroshılov tabandylyq kórsete almaǵan. Osylaısha, batyr Baýkeńniń muryndyq bolýymen, Kákim­jan Qazybaevtyń aralasýymen bastalǵan «maı­danǵa» sol kezdegi elimizdiń basshysy D.Qonaevtan bastap basqa da qaıratkerler men qalamgerler ún qosady. Jampoz jýrnalıst Janbolat Aýpbaev úzdiksiz maqa­lalar jarııalap, qamal alǵan qahar­­­­mannyń erligin qaıta jańǵyrtyp otyr­dy. Aqyrynda elimiz táýelsizdik alǵan­nan keıin baryp, 1999 jyly 7 mamyrda Raqymjan Qoshqarbaevqa «Halyq qaharmany» ataǵy berildi.

– Sodan beri Raqymjan Qoshqar­baev­tyń aty qaıta jańǵyryp, halqymyzdyń maqtanyshyna aınaldy. Elimizde ba­tyrdyń esimi erekshe atalyp keledi. Sonyń bir kýási – mektebimizge batyr esiminiń berilýi. Bul – mektep úshin úlken mereke. Bilim ordasyna batyrdyń esimimen atalǵanyn maqtan tutamyz. Mektebimizdiń búgingi mıssııasy – ulttyq qundylyqtar negizinde oqýshylarǵa patrıottyq tárbıe berý, – dedi mektep dırektory Lázzat Muhanbetqyzy.

Jıynǵa Qorǵanys mınıstrligi Tárbıe jáne ıdeologııalyq jumys departamentiniń bastyǵy Tileýhan Basqojaev, Almaty aýdany ákiminiń orynbasary Nurmat Ábdraımov, Almaty aýdany ardagerler keńesiniń tóraǵasy Marat Mustafın, Astana qalalyq Ardagerler keńesi men Qoǵamdyq keńesiniń tóraǵasy Sansyzbaı Esilov, «Namys-Ardager» qoǵamdyq qorynyń tóraǵasy Tólegen Tóregeldın, ardagerler keńesiniń músheleri Bolat Temirbaev, Kendaı Ahmetov, Ortalyq ardagerler keńesiniń birinshi orynbasary О́mirzaq Ozǵanbaıuly, Mektep qamqorshylyq keńesiniń tóraıymy Maıra Álimhanqyzy, Aýǵan soǵysy ardagerleri jáne jergilikti jaýyngerler odaǵy keńesi tóraǵasynyń mindetin atqarýshy Serik Ospanov, Aýǵan soǵysy ardagerleri jáne jergilikti ja­ýyngerler odaǵy keńesi tóraǵasynyń orynbasary Qanat Omarov qatysty.

Saltanatty jıynda kók tý kókke kóterilip, áskerler men mektep oqýshy­lary áýelete ánurandy shyrqady. Igi istiń betashar sózin sóılegen Qorǵanys mınıstrligi Tárbıe jáne ıdeologııalyq jumystar departamentiniń bastyǵy, polkovnık Tileýhan Basqojaev bıyl Keńes Odaǵynyń Batyry, Halyq qaharmany Saǵadat Nurmaǵambetov pen Reıhstagqa tý tikken batyr, Halyq qaharmany Raqymjan Qoshqarbaevtyń 100 jyldyǵy ekenin jetkizdi.

– Is-sharanyń bári Úkimet bekitken keshendi jospar sheńberinde ótkiziledi. Onyń bári Otan qorǵaýshylardyń búgingi jáne bolashaq urpaǵy úshin úlgi bolyp sanalatyn qazaqtyń batyr ulynyń esimin máńgilikke qaldyrýǵa arnalǵan. Dańqty batyrdyń esimin alý qurmetti ári jaýapkershiligi joǵary, – dedi ol.

Keleshek urpaqty patrıottyq rýhta tárbıelep, Otanǵa degen súıispenshilikti, erlik pen órlik qasıetti sińirýde mekteptiń batyr esimimen atalýynyń mańyzy zor. Osy oraıda №44 orta mektebiniń muǵalimi, Aýǵan soǵysynyń ardageri Baqytbek Tersebaevtyń mektepke Raqymjan Qoshqar­­baevtyń esiminiń berilýine zor úles qosypty. Ol batyr týraly tarıhı estelikter men muralardy jınaqtap, batyrǵa arnalǵan kabınettiń ashylýyna eńbek sińirgen kórinedi.

– Mektebimizge Raqymjan Qosh­qar­­baevtyń esiminiń berilgenine qat­ty qýan­dyq. Halqymyzdyń el qor­ǵaǵan er­leri men batyr uldarynyń qahar­man­dyǵy bala­la­rymyzǵa, urpaǵymyzǵa mura bolyp, máńgi jasaı bersin. О́skeleń ur­paq­tyń bo­ıynda belsendi azamattyq usta­nymdy qa­lyptastyrý, otansúıgishtik rý­hynda tár­bıeleý maqsatynda mekte­bi­miz­diń oqý­shy­lary qalalyq, mektepishilik sap­tyq jat­tyǵýlar men án baı­qaý­laryna qa­ty­syp, júldeli oryndarǵa ıe boldy, – dedi B.Tersebaev.

Al Astana qalasy Bilim nysandarynyń tynys-tirshiligin qamtamasyz etý jáne abattandyrý bóliminiń basshysy Mádına Súleımenova jınalǵan kópshilikti merekemen quttyqtap, Raqymjan Qosh­qarbaevtyń ómiri men erligi týraly aıtyp berdi. Merekelik is-sharada aq ti­lekter aqta­rylyp, quttyqtaýlar tolastaǵan joq. Al ba­tyr­dyń týystary da ıgi iske alǵys bildirdi.

– Men – Raqymjan aǵataıymnyń nemere qaryndasymyn. Ol kisiniń qaryndasy qolymda turady. Búgingi ótip jatqan is-sharaǵa óte qýanyshtymyn. №44 mektep aǵamnyń atyna berilip jatyr. Jas urpaq eshqashan soǵys kórmesin! – dedi Marjan Nurmaǵanbetova.

Biri bilip, biri bilmes, batyrdyń tegi Mýsın bolǵan eken. Biraq onyń atasyna «halyq jaýy» jalasy jabylǵan soń, áýlet bolyp tegin ózgertýge májbúr bolǵan. Raqymjan Qoshqarbaev týraly osyndaı az-kem estelikterdi jıynda týystary aıtyp berdi. Is-shara sońynda qurmet qaraýyl rotasy qarý-jaraqpen defıle kórsetse, oqýshylar «Batyrdyń erligi – el esinde» atty Raqymjan Qoshqarbaevtyń ómirinen kórinister qoıdy.