Foto: basnews.kz
Búginde qatary sıregen, soǵysqa qatysqan qarııalardyń eń úlkeni 102 jasta. Olardyń biri Isabaı Júzeev Qazyǵurt aýdanynyń Qarabaý aýlynda, ekinshisi Nemat Abdýrasılov Túrkistan qalasynda turady. Ordabasylyq soǵys ardageri Qalmen Muratov 100 jasqa tolyp otyr. Al Saıram aýdanynda turatyn Ahmedjan Anartaev pen Kentaý qalasynda turatyn Badan Túrebaev bıyl 97-ge tolady. Jalpy, óńirde Jeńiske úles qosqan 3 654 ardager bar. Onyń 11-i maıdanger bolsa, 121-i soǵysqa qatysýshylar men múgedekterine teńestirilgen. Soǵysqa qatysýshyl men múgedekterine teńestirilgenderdiń ekeýi qorshaýda, ekeýi kámelet jasqa tolmaǵan kezinde konslagerde, basqa da májbúrli túrde qamap ustaıtyn jerlerde tutqynda bolǵan. 117-si qaıtys bolǵan soǵys múgedekteriniń áıelderi, al 3 522-si – tyl eńbekkeri.
Bıyl Jeńis kúni merekesine oraı óńirdegi 3 654 ardagerge birrettik materıaldyq kómek berý úshin aýdandyq jáne qalalyq bıýdjet esebinen 176 mln 500 myń teńge bólindi. Onyń ishinde Ekinshi dúnıejúzilik soǵystyń 11 qatysýshysy men múgedegine 1 mln 500 myń teńgeden, kámelettik jasqa tolmaı tutqynda bolǵandarǵa, soǵysqa qatysýshy men múgedegine teńestirilgen basqa da sanattaǵylarǵa 100 myń teńgeden beriledi. Lenıngrad qorshaýynda bolǵandarǵa – 60, tyl eńbekkerlerine 30 myń teńge kóleminde birrettik materıaldyq kómek taǵaıyndalǵan.
Túrkistan oblysy
