Eldar – chempıon!

Buǵan qosa kókpar barysynda jigitter arasynda serkeni birinshi bolyp kóterip alýdan jekpe-jek at jarysy uıymdastyryldy. Sóıtip, bul baıqaýda Shymkent qalasynyń atynan Jebe atty tulparymen synǵa túsken sha­bandoz Eldar Jarylqap qar­sylas shaq keltirmeı el chempıony atandy. Báseke jeńim­pazyna júldege 1 mln teńge tabystaldy. Shymkenttik sha­bandozdardy respýblıkalyq kókpar dodasyna bastap kelgen komanda jetekshisi – qalanyń ulttyq jáne at sporty túrleri boıynsha keshendi sport klýbynyń dırektory Danııar Myńbaev.

Serkege talasta eptiligimen kózge túsken mańǵystaýlyq sha­ban­doz Temirlan Seıitbek Saıan atymen jarys­tyń kúmis júldegeri atandy. Kókpar federasııasy tarapynan ekinshi oryn jeńimpazyna 500 myń teńge júlde berildi.

Al úzdik úshtikti túıindegen – Túrkistan oblysynyń shabandozy Abylaıhan Nyshan­bek. Ol tizgindegen tulparynyń aty – Kókserek. Jeńimpaz sáıgú­ligimen birge 300 myń teńge qar­jylaı syıaqy aldy.

О́z kezeginde federasııa kók­pardan jekpe-jek attar boıyn­sha jarysta besinshi orynǵa deıin júlde qarastyrdy. So­nyń nátı­jesinde tórtinshi oryn ıesi Almaty oblysynan kelgen Aq­jazyq atty tul­par­dy erttegen shabandoz El­dar Jıenqulovqa, besinshi orynǵa taban tiregen as­tanalyq Aq­jal atty at mingen shabandoz Jalǵas Boranovqa 100 myń teń­geden qarjylaı júlde tapsyryldy.

Barlyq jeńimpaz ben júl­degerdi Ulttyq jáne at spor­ty ortalyǵynyń dırektory Baq­dáýlet Sábıtov pen kókpardan bas tóreshi Ǵanı Ahmetbaev marapattady.

ShYMKENT