Foto: ultsport.kz
Dástúrli sadaq atýdan Qazaqstan quramasynyń bas bapkeri Dıas Ahmetovtiń aıtýynsha, jarys tórt túrli nysan boıynsha ótedi. Pýta nysanasy (9 oqtan 7 múmkindik), qalqan nysanasy (7 oqtan 7 múmkindik), jamby nysanasy (5 oqtan 5 múmkindik) jáne komandalyq jarys barlyq sportshyǵa birdeı 4 nysanada baq synaý múmkindigi beriledi. Atalǵan ár nysan boıynsha erler jáne áıelder 1,2,3 oryndary boıynsha medaldarmen jáne dıplomdarmen marapattalady.
Ulttyq sport qaýymdastyǵynyń málimetinshe, jarystyń alǵashqy kúnin 200-ge jýyq er jáne 100-deı áıel pýta nysanasy (9 oqtan 7 múmkindik) boıynsha bastady. Joǵary upaı jınaǵan 16 sportshy iriktelip, 1/16 fınalda saıysty. Jeńiske jetkender: Erbol Tapenov (Astana), Álı Seısıgıýzel (Atyraý qalasy), Maqsat Ábdikerimov (Shymkent), Aıkórkem Batıhan (Astana), Dınara Jaqsylyqova (Astana), Ajar Tóleýqanova (О́skemen qalasy).
