foto: aqtobegazeti.kz
Jumyssyzdyq deńgeıi Halyqaralyq eńbek uıymynyń ádistemesi boıynsha eseptelgen. Iаǵnı bul uıymnyń standarttaryna sáıkes, jumyssyzdar – tabysty kásibi bolmaǵan, ony belsendi izdegen jáne jumysqa kirisýge daıyn adamdar.
«2024 jylǵy I toqsanda Qazaqstanda Halyqaralyq eńbek uıymynyń ádistemesi boıynsha eseptelgen jumyssyzdyq deńgeıi 4,7%-dy qurady. Ekonomıkanyń ártúrli salalarynda 9 167,3 myń adam jumys isteıdi, olardyń 6 981,4 myńy (76,2%) jaldamaly qyzmetker bolsa, 2 185,9 myń adam (23,8%) – ózin-ózi jumyspen qamtyǵandar. 15 jáne odan úlken jastaǵy halyqqa shaqqandaǵy jumyspen qamtý deńgeıi 64,8% boldy», delingen habarlamada.
Al 15 pen 34 jastaǵy jastar arasyndaǵy jumyssyzdyq deńgeıi 3,1%-dy qurap otyr.
Statıstıka bıýrosynyń aqparatynsha, Eńbek jáne halyqty áleýmettik qorǵaý mınıstrliginiń jumyspen qamtý organdarynda 2024 jylǵy sáýir aıynyń sońyndaǵy jaǵdaı boıynsha 315,6 myń jumyssyz adam resmı tirkelgen. Tirkelgen jumyssyzdardyń úlesi jumys kúshiniń 3,3%-yn qurady.
