Kezdesýde professor Rae Kvon Chýng Qazaqstanda júzege asyrylyp jatqan jobalarǵa qatysty aqparatpen bólisip, jańa tehnologııalar naryǵynyń qarqyndy damyp jatqanyn eskere otyryp, stýdentterdi óz betinshe izdenýge, kásibı daǵdylardy damytýǵa jáne bilimderin únemi jańartyp otyrýǵa shaqyrdy.
Rektor Bolat Tilep bul kezdesýdiń ýnıversıtet úshin ǵylymı-pedagogıkalyq yntymaqtastyqty damytýdaǵy mańyzdy qadam ekenin atap ótip, koreıalyq ǵalymǵa Abaı atyndaǵy QazUPÝ jetistikterin tanystyrdy. Jańa formasııadaǵy pedagog kadrlardy daıarlaýda halyqaralyq tájirıbege toqtaldy. Rektordyń aıtýynsha, mundaı kezdesýler seriktestik baılanystardy nyǵaıtýǵa yqpal etip, Qazaqstandaǵy bilim men ǵylymnyń kókjıegin keńeıtedi. Kóptegen zertteýlerde joǵary oqý oryndaryna sheteldik mamandardy tartý bilim sapasyna oń áser etetinin kórsetedi. Sheteldik professorlardyń bilimi men tájirıbesi oqý úderisin baıytyp, mádenıetaralyq túsinistikti damytýǵa jáne stýdentterdi halyqaralyq keńistikte bilim alyp, jumys isteýge daıyndaıdy. Mundaı qadam jahandyq eńbek naryǵy men akademııalyq qoǵamdastyqtyń talaptaryna neǵurlym daıyn bolýǵa yqpal etedi.
Kezdesý barysynda ǵylym jáne bilim salasynda tájirıbe almasý, birlesken ǵylymı jobalar men baǵdarlamalardy júzege asyrý múmkindikteri talqylandy. Jasyl ekonomıkanyń turaqty damýy men ekologııalyq bilimge erekshe kóńil bólindi. Bul ýnıversıtet stýdentteri úshin jańa kókjıekterdi baǵyndyryp, ozyq ǵylymı jobalardy júzege asyrýǵa, álemdik tájirıbeni ıgerýge mol múmkindik beredi.
ALMATY
