Foto: juldyz.info
«Ulytaýdyń urany – ular, ular» dep Júrsin Erman jyrlaǵandaı, uıym ataýy teginnen-tegin osylaı qoıylmasa kerek-ti. Jas aqyndardyń jalqyn jyrlaryn tyńdaǵan halyq «Ulytaýdyń ulary kóshkenmen, jyr-áni óshpegen eken» degen nıetpen ystyq yqylasyn bildirdi.
О́leń keshine elimizge belgili zııaly qaýym ókilderi qatysty. Onyń ishinde aqyn, fılologııa ǵylymdarynyń doktory, professor Janat Áskerbekqyzy, Geraldıkalyq zertteýler ortalyǵynyń dırektory Qalqaman Sarın, «Altyn tobylǵy» ádebı syılyǵynyń laýreaty Umtyl Zaryqqan, jazýshy, dramatýrg, Qazaq ulttyq óner akademııasynyń oqytýshysy Ularbek Nurǵalymuly bastaǵan qalam ıeleri quttyqtaý sózin aıtyp, jas aqyndardyń jolyna sáttilik tiledi.
Sondaı-aq kesh barysynda aqyn, «Ular» ádebı klýbynyń tóraǵasy Abaı Orazdyń «Seniń atyń – Jaýqazyn» jyr jınaǵynyń tanystyrylymy ótti. Jınaqta aqynnyń lırıkalyq mazmundaǵy óleńderi toptastyrylǵan. Kitap «Káýsar» baspasynyń dırektory Qýat Qurmanseıittiń qoldaýymen jarııalandy.
Keshtiń qorytyndy bóliginde Jezqazǵan qalasynyń 70 jyldyq mereıtoıy aıasynda uıymdastyrylǵan «Keńgir kerimsaly» atty jas aqyndardyń Respýblıkalyq festıvali ótetini habarlandy.
